انٹرنیشنل کرکٹ کونسل (آئی سی سی) نے انڈر 19 ورلڈ کپ 2026 کا باضابطہ شیڈول جاری کردیا ہے۔
آئی سی سی کے مطابق انڈر 19 ورلڈ کپ 2026 15 جنوری سے 6 فروری تک زمبابوے اور نمیبیا میں منعقد ہوگا۔
ٹورنامنٹ میں دنیا بھر کی 16 ٹیمیں شرکت کریں گی اور ایونٹ کے دوران مجموعی طور پر 41 میچز کھیلے جائیں گے۔ ایونٹ کا فائنل 6 فروری کو ہرارے اسپورٹس کلب میں ہوگا۔
تمام اہم ناک آؤٹ مقابلے، جن میں سپر سکس مرحلہ، سیمی فائنلز اور فائنل شامل ہیں جو کہ ہرارے میں ہی کھیلے جائیں گے۔
ٹورنامنٹ میں شریک 16 ٹیموں کو چار گروپس میں تقسیم کیا گیا ہے اور ہر گروپ میں چار چار ٹیمیں شامل ہیں۔ گروپ اسٹیج کے بعد ٹاپ ٹیمیں سپر سکس میں پہنچیں گی، جہاں اگلے مرحلے کی جنگ مزید سخت ہوجائے گی۔
دوسری جانب پاکستان انڈر 19 ٹیم اپنا آغاز 16 جنوری کو انگلینڈ کے خلاف کرے گی جو گرین شرٹس کے لیے ایونٹ کے آغاز میں ہی ایک اہم اور سخت مقابلہ ثابت ہوگا۔