پاکستان کی ٹیکسٹائل صنعت میں جدید ٹیکنالوجی کے فروغ کے لیے خصوصی سرمایہ کاری سہولت کونسل (ایس آئی ایف سی) کا اہم قدم قرار ہے۔
جنوبی ایشیا کی سب سے بڑی ٹیکسٹائل انڈسٹری نمائش اور کانفرنسز 2025 پاکستان کی میزبانی میں منعقد ہوں گی، تاہم اکتیسویں ٹیکسٹائل ایشیا انٹرنیشنل نمائش و کانفرنسز 22 تا 24 نومبر 2025 لاہور ایکسپو سینٹر میں منعقد ہوں گی۔
نمائش میں وفاقی و صوبائی وزراء کے علاوہ متعدد ملکی اور بین الاقوامی ماہرین کی شرکت متوقع ہے جبکہ کپاس کی پیداوار میں پاکستان عالمی ٹاپ فائیو ممالک میں شامل ہیں اور ٹیکسٹائل صنعت کی ترقی میں کپاس بنیادی قوت کا درجہ رکھتی ہے۔
ٹیکسٹائل ایشیا 2025 میں چین، ترکی، جرمنی، اٹلی، جاپان، کوریا، امریکا اور فرانس سمیت پندرہ سے زائد ممالک کی شرکت متوقع ہے۔
مزید پڑھیں: ایس آئی ایف سی کی معاونت سے پاکستان کی دواساز صنعت عالمی سطح پر مستحکم
22 نومبر کو ایکو ٹیکسٹائل کانفرنس 2.0 بعنوان “ذمہ دار ٹیکسٹائل شفٹ” منعقد ہوگی جبکہ 24 نومبر کو “ٹیکنالوجی برائے ویلیو ایڈیشن” کے موضوع پر خصوصی سیشن بھی منعقد کیا جائے گا۔
کانفرنس میں عالمی ماہرین اور پالیسی ساز، تجدید پذیر توانائی، سرکلر اکانومی اور ڈیجیٹل اصلاحات پر تبادلہ خیال کریں گے جبکہ پاکستان کی آئی ٹی اور ٹیکنالوجی انڈسٹری کو فروغ اور ٹیکسٹائل انڈسٹری کو جدید، مسابقتی اور ٹیکنالوجی پر مبنی ہب بنانے پر توجہ دی جائے گی۔
ٹیکسٹائل ایشیا 2025 پاکستان میں ایک جامع پلیٹ فارم ہوگا جو صنعتی جدت اور کاروباری مواقع کو فروغ دے گا، ایس آئی ایف سی پاکستان کی ویلیو ایڈڈ ٹیکسٹائل کی ترقی اور ڈیجیٹل تبدیلی کے لیے پر عزم ہے۔
