نیویارک کے نومنتخب میئر ظہران ممدانی امریکی صدر سے ملاقات کے دوران صحافیوں کے خطرناک سوالات سے نہ بچ سکے۔
وائٹ ہاؤس میں ہونے والی اس ملاقات کے دوران ایک صحافی نے ممدانی سے سوال کرتے ہوئے پوچھا کہ کیا صدر ٹرمپ فاشسٹ ہیں؟
صحافی کے سوال پر ممدانی کی وضاحت سے پہلے ہی صدرٹرمپ نے کہاکہ ممدانی کے فاشسٹ کہنے سے انہیں برا نہیں لگتا۔
امریکی صدر نے ممدانی کو مخاطب کرتے ہوئے کہا کہ آپ فاشسٹ کہہ سکتے ہیں کیونکہ وضاحت کرنے سے زیادہ یہ کہنا آسان ہے اور مجھے اس پر کوئی اعتراض نہیں۔
مزید پڑھیں: روس یوکرین جنگ کے خاتمے کیلئے ٹرمپ کا 28نکاتی امن منصوبہ سامنے آگیا
دوسری جانب ملاقات کے بعد امریکی صدر نے میڈیا سےگفتگو کرتے ہوئےکہا کہ ظہران ممدانی سے ملاقات اچھی اور مؤثر رہی، امید ہے ممدانی نیویارک میں معاملات بہتر انداز میں چلائیں گے اور ہم ان کی معاونت کریں گے، ہر ممکن مدد کریں گے تاکہ یہ لوگوں کی امیدوں پر پورا اترسکیں۔
REPORTER: Are you affirming that you think President Trump is a fascist?
MAMDANI: I’ve spoken about-
TRUMP: That’s okay, you can just say yes. Okay? It’s easier.
MAMDANI: Yes.
TRUMP: It’s easier than explaining it. I don’t mind. pic.twitter.com/AJjiRndudf
— TrumpFile.org (@TrumpFile) November 21, 2025
ٹرمپ نے مزید کہا کہ ظہران ممدانی نیویارک کے معاملات جتنے بہتر انداز میں چلائیں گے میں اتنا ہی خوش ہوں گا۔
دوسری جانب نومنتخب میئرنیویارک ظہران ممدانی نے کہا کہ امریکی صدرکا شکریہ اداکرتاہوں، ملاقات مثبت رہی، ٹرمپ کےساتھ مل کرنیویارک کی ترقی کے لیے کام کریں گے۔
مزید پڑھیں: ٹرمپ نے جیفری ایپسٹین سے متعلق مزید دستاویزات جاری کرنے کے بل پر دستخط کر دیے
انہوں نے کہا کہ صدرٹرمپ سےنیویارک کےمسائل خاص طور پر مہنگائی کم کرنے پر بات ہوئی ہے۔
ظہران ممدانی نے مزید کہا کہ ٹرمپ سےملاقات میں اختلافات کی بجائےمشترکہ مفادات پربات ہوئی، ملاقات میں ہم نےگفتگو کی کہ نیویارک کی شہریوں کی زندگی کیسے بہترکی جائے، جبکہ نیویارک میں جرائم کےخاتمے کے لیے مشترکہ کوششیں کریں گے۔
