تھائی لینڈ میں 65 سالہ خاتون کی آخری رسومات کے دوران اچانک زندہ ہوگئی، جس نے وہاں موجود لوگوں کو حیرت میں مبتلا کردیا۔
غیر ملکی خبر رساں ادارے کے مطابق 65 سالہ خاتون کی موت دماغی کینسر اور ہائپوگلیسیمیا (کم بلڈ شوگر) کی وجہ سے ہوئی تھی، تاہم آخری رسومات کی ادائیگی کے دوران خاتون تابوت سے زندہ نکل آئی۔
مزید پڑھیں: صرف ایک فون کال پر تھائی لینڈ کی وزیراعظم معطل، جانیں اندر کی کہانی
میڈیا رپورٹس کے مطابق تھائی لینڈ کے صوبہ نونتھابوری کے ایک مندر میں 65 سالہ خاتون کی میت کو ان کا بھائی آخری رسومات کے لیے لے کر آیا تھا، تابوت سے آواز آنے پر کھول کر دیکھا گیا تو خاتون زندہ تھیں جس پر مندر کا عملہ بھی حیران رہ گیا۔
تابوت سے زندہ نکلنے والی خاتون کی ویڈیو سوشل میڈیا پر شیئر کی گئی ہے جس میں خاتون کو تابوت میں سانس لیتے اور حرکت کرتے دیکھا جاسکتا ہے۔
میڈیا رپورٹس کے مطابق حیران کن واقعے کے بعد خاتون کو فوری طور پر اسپتال منتقل کیا گیا جہاں ڈاکٹرز نے خاتون کی موت کی تردید کرتے ہوئے انہیں زندہ قرار دیا ہے ۔
ڈاکٹرز کے مطابق خاتون کے جسم میں بلڈ شوگر کی سطح انتہائی حد تک کم ہوگئی تھی، یہی وجہ تھی کہ ان کے جسم نے حرکت کرنا بند کردی تھی، اب خاتون ڈاکٹرز کی نگرانی میں ہیں۔