پاکستان اسٹاک ایکسچینج میں کاروباری ہفتے کے دوسرے روز بھی مندی کا رجحان برقرار رہا، اور مارکیٹ منفی زون میں بند ہوئی۔

آج کے ایس ای 100 انڈیکس 291 پوائنٹس کی کمی کے ساتھ 161,692 پوائنٹس پر بند ہوا۔

ٹریڈنگ کے دوران انڈیکس نے ایک موقع پر 162,819 پوائنٹس کی بلند ترین سطح بھی چھوئی، تاہم منافع سمیٹنے کے رجحان نے مارکیٹ کو دباؤ میں رکھا اور اختتام منفی رہا۔

مارکیٹ میں آج 13 ارب روپے مالیت کے 16 کروڑ شیئرز کے سودے انجام پائے۔

مجموعی طور پر 559 کمپنیوں کے حصص کی خرید و فروخت ہوئی، جن میں 155 کمپنیوں کے شیئرز کی قیمتوں میں اضافہ جبکہ 284 کمپنیوں میں کمی ریکارڈ کی گئی۔ 120 کمپنیوں کے حصص مستحکم رہے۔

مارکیٹ ماہرین کے مطابق سرمایہ کاروں کی جانب سے منافع کی خاطر فروخت کے دباؤ نے انڈیکس کو نیچے دھکیلا، جبکہ معاشی اشاریوں پر غیر یقینی صورتحال نے بھی سرمایہ کاری کا ماحول محتاط بنا دیا۔