امریکا میں ہزاروں بے گھر افراد گاڑیوں میں رہنے پر مجبور ہو گئے ہیں۔

تفصیلات کے مطابق کیلیفورنیا میں 16 ہزار بے گھر افراد کا رات کو گاڑیوں میں سونے کا انکشاف ہوا ہےاور دن با دن امریکہ میں بے گھر افراد کی تعداد میں اضافہ ہوتا جا رہا ہے۔

ذرائع کے مطابق امریکا میں بے گھر افراد میں سے کئی ہزار افراد ایسے ہیں جو مالی وسائل میں کمی کے باعث گھر کرائے پر نہ لینے کے سبب اپنی گاڑیاں کسی بھی اسپتال، کلب، چرچ یا کسی محفوظ جگہ پارک کرکے اس میں اپنی زندگی گزارتے ہیں۔

امریکہ کی رہائشی 36 سالہ خاتون لارن کش نے بتایا کے وہ اپنی گاڑی کو دو مقصد کے لیے استعمال کرتی ہے۔

لارن کش  نے بتایا کہ ایک یہ کے وہ دن میں ٹیکسی چلاتی ہیں اور دوسری یہ کے رات میں وہ اسی کار میں سوتی ہیں اور اپنی گاڑی کو بستر کی شکل میں تبدیل کردیتی ہیں۔

گزشتہ روز قبل ہی یو ایس ڈیپارٹمنٹ اینڈ اربن ڈیولپمنٹ نے اپنی پریس ریلیز میں کہا ہے کہ کیلیفورنیا میں رواں سال بے گھر افراد کی تعداد میں 2.7 فیصد اضافہ ہوا ہے اور ہر گزرتے دن کے ساتھ بے گھر افراد کی تعداد بڑھتی جا رہی ہے۔

امریکہ میں گاڑیوں میں رہنے والوں کے لیے اب یہ خوش خبری ہے کہ  لاس اینجلس کے علاقے کوریا ٹاؤن میں واقع چرچ انہیں مارچ 2018ء سے رات میں گاڑیاں پارک کرنے کی محفوظ سہولت فراہم کررہا ہے۔

کوریا ٹاؤن میں واقع چرچ پارکینگ کی سہولیت صرف اس لیے فراہم کر رہا ہے کہ تا کہ لوگ سکون کی نیند سو سکے بنا ڈر اور بنے کسی خوف کے ۔

واضح رہے کہ امریکہ کے بے گھر افراد خاص طور پر عورتوں کا کہنا ہے کہ گاڑیاں پارک کرکے اس میں سوتے وقت انہیں اپنی عصمت دری یا کسی اور قسم  کا کوئی خطرہ درپیش نہیں ہوتا یہ ایک محفوظ ترین جگہ ہے۔