کینیا  کے علاقے نیروبی  کی ایک مقامی   خاتون نے اپنے  شوہر کو اس  کی گرل فرینڈ کے ہاتھوں صرف 17 امریکی ڈالر جتنی معمولی رقم میں فروخت کردیا۔ جو پاکستانی روپوں میں صرف 2600 روپے بنتی ہے۔

غیر ملکی خبر رساں ادارے کے مطابق  نیروبی  کی رہائشی خاتون ایڈنا مکوانا کو اپنے شوہر پر شک تھا کہ اس کی کوئی گرل فرینڈ ہے۔ وہ مسلسل اپنے شوہر کی  تاک میں رہنے لگی اور ایک روز اس نے اپنے شوہر کو اس کی گرل فرینڈ کے ساتھ رنگے ہاتھوں پکڑ لیا۔

پہلے تو اس نے اپنے شوہر کو مار پیٹ کر گھر سے نکال باہر کیا اور کہا کہ وہ ایک ہفتے تک اسے اپنی شکل نہ دکھائے۔

پھر وہ اپنے شوہر کی گرل فرینڈ کی طرف متوجہ ہوئی اور اس سے کہا کہ وہ 2000 کینیئن شلنگ (20 امریکی ڈالر، یا 3100 پاکستانی روپے) دے کر اپنا بوائے فرینڈ ہمیشہ کےلیے خرید سکتی ہے۔

حیرت انگیز طور پر، گرل فرینڈ نے بھاؤ تاؤ شروع کردیا اور بالآخر یہ سودا 1700 کینیون شلنگ (17 امریکی ڈالر، یعنی 2600 پاکستانی روپے) میں طے پاگیا۔

اس رقم سے ایڈنا مکوانا نے اپنے بچوں کےلیے نئے سال پر نئے کپڑے خرید لیے اور اب وہ اپنے شوہر کے بغیر ایک مطمئن زندگی گزار رہی ہے۔

جب سوشل میڈیا پر (فرانسیسی زبان میں) اس کا قصہ شائع ہوا تو ایک صارف نے سوال کیا کہ کیا وہ اپنے شوہر کو دوبارہ خریدنا چاہیں گی؟ تو جواب میں ایڈنا نے کہا: ’’مجھے اپنا نیا سال برباد کرنے کا کوئی شوق نہیں!‘‘

خیال رہے اس سے قبل  بھارتی  شہر کرناٹک ، ہندوستان میں ایک خاتون نے بظاہر ایک عجیب و غریب واقعے میں اپنے شوہر کو اپنے شوہر کو “فروخت” کردیا۔

واقعہ اس وقت شروع ہوا جب عورت کے شوہر نے کام کے بعد اس کے پاس واپس آنے کے بجائے اپنی  محبوبہ کے گھر میں قیام شروع کیا۔رمیا نامی خاتون   نے اس معاملے پر اپنے شوہر سے جھگڑا کیا۔

خاتون نے اپنے شوہر کی محبوبہ کو اس کے شوہر کو خریدنے کا کہا،  اس نے ابتدائی طور پر 1.7 ملین روپےکا مطالبہ کیا لیکن 500،000 روپے میں اپنے شوہر کو بیچ دیا تھا۔