پاکستان سمیت دنیابھرمیں آج مادری زبان کا عالمی دن اس عزم کے ساتھ منایاجارہاہے کہ مادری زبانوں کوفروغ دیاجائے گا اوران کاتحفظ کیاجائے گا۔

مادری زبان شناخت کا ذریعہ  ہوتی ہیں  اور ان کی اہمیت کو اجاگر کرنے کے لیے اکیس فروری کو پوری دنیا میں مادری زبان کا عالمی دن منایا جاتا ہے۔

دنیا  بھر میں بولی جانے والی  چھ ہزار سے زائد زبانوں میں سے تقریباً پانچ سو  زبانیں ختم ہو چکی  ہیں جبکہ گلوبلائزیشن کے باعث مزید چھتیس فیصد چھوٹی زبانوں کے مٹ جانے کا خطرہ ہے۔

پاکستان کی سرزمین  پہ بولی جانے والی زبانیں  بھی ہزاروں برس کی تاریخ رکھتیں ہیں  تاہم پاکستان کی قومی زبان اردو ہے جو ملک کے ہر کونے میں بولی اورسمجھی جاتی ہے  جبکہ دیگر علاقائی زبانوں میں سندھی ،پنجابی ، سرائیکی،بلوچی ،پشتو، بروہی اور ہندکو قابل ذکر ہیں۔

مادری زبان نہ صرف انسان کی شناخت اور اظہار کا ذریعہ ہیں بلکہ بیش قیمت روایات بھی رکھتی ہیں ۔

اس دن کی مناسبت سے پاکستان کے مختلف سرکاری اورغیرسرکاری محکموں نے مادری زبان کی اہمیت اجاگر کرنے کے لئے مختلف سرگرمیوں کااہتمام کیا ہے جن میں سیمینارز،مباحثے ،میلے اورثقافتی تقاریب شامل ہیں۔

یاد رہے کہ 17نومبر 1999ء میں یونیسکو نے یہ دن منانے کا اعلان کیا  تھا اور 2000ء سے یہ پوری دنیا میں منایا جارہا ہے۔

2008 ءمیں اقوام متحدہ کی جنرل اسمبلی نے اس حوالے سے قرارداد منظور کی اور 2008ء کو عالمی زبانوں کے سال کے طور پر منایا گیا تھا۔