کراچی لٹریچر فیسٹیول کا آغاز

سید ذیشان احمد

28th Feb, 2020. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی لٹریچر فیسٹیول کا آغاز

تین روزہ گیارہویں کراچی لٹریچر فیسٹیول کا کراچی کے مقامی ہوٹل میں آغاز ہوگیا۔

تفصیلات کے مطابق گیارہویں کراچی لٹریچر فیسٹیول کی افتتاحی تقریب شہر قائد کے ایک مقامی ہوٹل میں ہوئی جس میں وفاقی وزیر تعلیم شفقت محمود نے بھی شرکت کی۔

فیسٹیول کا آغاز مرحوم شاعرہ پروین شاکر کو خراج عقیدت پیش کرکے کیا گیا۔

فیسٹیول میں پاکستان سمیت دنیا بھر سے 200 مندوبین شرکت کر رہے ہیں جن میں سے 180 کا تعلق پاکستان جبکہ 20 کا تعلق امریکہ، برطانیہ ، جرمنی، کنیڈا اور اٹلی سے ہے۔

تین روزہ فیسٹیول میں 80 سیشنز منعقد ہوں گے جس میں علم و ادب کے ساتھ ساتھ فلم ،ٹی وی ،تھیٹر اور دیگر فنون لطیفہ پر سیشنز منعقد کیے جائیں گے جبکہ ڈاکیومنٹریزاور مختصر دورانیے کی فلمیں بھی دکھائی جائیں گی۔

کراچی لٹریچر فیسٹیول میں ڈسکاونٹ کتب میلے کا انعقاد بھی کیا گیا ہے جبکہ بائیس کتابوں کی رونمائی بھی ہوگی۔

فیسٹول میں عورتوں کے ’تخلیقی شعور سے انکار کیوں ‘کے عنوان کے حوالے سے بھی گفتگو ہوگی۔