لاک ڈاؤن میں سرگرمیاں نہ ہونے کی باعث دبئی میں مقیم جنوبی افریقہ کے ایک جوڑے نے اپنے ہی گھر کی بالکونی پر میراتھن ریس لگائی ہے۔
غیر ملکی خبر رساں ادارے کے مطابق اس جوڑے کا ماننا ہے کہ لاک ڈاؤن کی صورتحال میں ذہنی پریشانی سے بچنے کے لیے وہ بالکونی میراتھن کے تصور کو پوری دنیا میں پھیلائیں۔
41 سالہ کولن ایلن نے اپنی اہلیہ ہلڈا کے ساتھ اپنے اپارٹمنٹ کی 20 میٹر لمبی بالکونی میں 21 سو چکر لگائے۔
اس جوڑے کی جانب سے فراہم کردہ سٹاپ واچ کے مطابق انہوں نے میراتھن کی دوڑ کا فاصلہ پانچ گھنٹوں، نو منٹس اور 39 سیکنڈز میں طے کیا۔
ایلن نے کہا ان کا ارادہ ہے کہ اس میراتھن کا ان جگہوں تک پہنچائیں جہاں پر کورونا وائرس کی وجہ سے لاک ڈاؤن ہے کولن کا کہنا ہے کہ اس اقدام کا مقصد عوام میں کرونا وائرس کی احتیاطی تدابیر سے متعلق شعور اجاگر کرنا ہے تاکہ وبا کے عرصے میں شہری اپنے گھروں پر ہی رہیں۔
دوسری جانب سوشل میڈیا پر متعدد افراد نے گھر پر میراتھن منعقد کرنے کی ویڈیوز شائع کیں۔
اس سے قبل فرانسیسی شہری نے بھی اپنی سات میٹر لمبی بالکونی پر 6000 سے زیادہ راؤنڈ ٹرپ کیے تھے جس کی ویڈیو انہوں نے انسٹاگرام اکاؤنٹ پر شیئر کی تھی۔ انہوں نے اس دوڑ کا فاصلہ 6 گھنٹے اور 48 منٹس میں طے کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News