سردیاں آتی ہیں اور اپنے ساتھ اپنی مزے مزے کی سوغات بھی لاتی ہیں جن میں مختلف طرز کے کھانے اور پینے کی اشیاء کا لطف دوبالا ہوجاتا ہے۔
سردیوں میں دیکھا یہ گیا ہے کہ لوگ زیادہ سے زیادہ سوپ پینے کے شوقین نظر آتے ہیں، لیکن کیا آپ کو یہ معلوم ہے کہ سوپ پینے کے کیا فوائد ہیں؟
سردیوں میں عموماً سوپ جسم میں حرارت یا گرم ہونے کی وہ سے زیادہ پیا جاتا ہے لیکن چونکہ سوپ سبزیوں کا یا پھر چکن کا بنتا ہے جو کہ غذائیت سے بھرپور ہوتا ہے۔
1 ۔ وزن میں کمی:
سوپ چونکہ زیادہ تر چکن کا یا پھر سبزیوں سے بنتا ہےغذائیت کے بھرپور ہوتا ہے اور تھوڑا بھی پیا جاتا ہے تو پیٹ بھی بھر جاتا ہے جس کے بعد کچھ کھانے کی زیادہ گنجائش نہیں رہتی ہے تو اسطرح آپ موٹاپے سے بچ جاتے ہیں۔
2۔ پانی کی کمی کو پورا کرتا ہے:
سردیوں میں زیادہ تر پانی کا استعمال کم ہوجاتا ہے جس سے جسم میں پانی کی کمی محسوس ہونے لگتی ہے تاہم اگر سردیوں میں پانی کا باقاعدہ استعمال کیا جائے تو اس سے پانی کی کمی دور کی جاسکتی ہے۔
3۔ قوت مدافعت میں بہتری:
سوپ چونکہ سبزیوں کا پھر چکن کا بنتا ہے اور پانی میں پکنے کے بعد سبزیوں اور چکن کی تمام تر غذائیت سوپ میں مکمل طور پر مکس ہوجاتی جو انسانی قوت مدافعت کے نظام کو بہتر بناتی ہے۔
4۔ نزلہ، زکام کا بہتریں علاج:
سوپ کو گرما گرم ہی پیا جاتا ہے اس لئے سردیوں میں جب آپ نزلہ، زکام کا شکار اور اس وقت آپ سوپ پیئے تو آپ کو آرام محسوس ہوگا اور جلد ہی اس میں بہتری بھی آئیگی۔
5۔ ہڈیوں کے لئے مفید:
چکن کا سوپ بہت ہی زیادہ فائدہ مند ہوتا ہے، اس میں ایسی اشیاء پائی جاتی ہیں جو براہ راست ہڈیوں کے لیے فائدہ مند ثابت ہوتی ہیں، اسی لیے بیماری کے بعد ہونے والی کمزوری کو ختم کرنے کے لیے ڈاکٹرز ہلکی مگر طاقتور غذاؤں کو کھانے کا مشورہ دیتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News