آلو چاٹ، چنا چاٹ اور فروٹ چاٹ یہ سب عام دنوں میں خاص شوق سے نہیں کھائی جاتیں لیکن جب بات رمضان کی آتی ہے تو ہر کوئی چنا چاٹ اور فروٹ چاٹ کی فرمائش کرتا نظر آتا ہے۔

ہر گھر میں افطار کے دسترخوان پر فروٹ چاٹ یا پھر چنا چاٹ کااہتمام کیا جاتاہے اور ہر کسی کے بنانے کا انداز بھی مختلف ہوتاہے۔

آج ہم آپ کو چنا چاٹ کی نئی ترکیب بتارہے ہیں جو واقعی آپ کے گھر والوں کو پسند آئیگی۔

اجزاء:

2 کپ چنوں کو 5 کپ پانی میں چاٹ بنانے سے 12 گھنٹے قبل بھگونے کے لیے رکھ دیں، اور ان میں نصف کھانے کا چمچ سوڈا ڈال دیں۔

2 عدد کھیرے

2 عدد ٹماٹر

مولی ایک پاؤ

ایک عدد سرخ مرچ کٹی ہوئی

ایک عدد سرخ پیاز

دھنیا ایک گٹھی

زیتون کا تیل 6 کھانے کے چمچ

لیموں کا جوس 3 کھانے کے چمچ

آدھا کپ سیب کا سرکہ

لہسن ایک کھانے کا چمچ

باریک پسی ہوئی چینی ایک کھانے کا چمچ

چھوٹی الائچی پسی ہوئی ایک کھانے کا چمچ

پسا ہوا مصالحہ آدھا کھانے کا چمچ

پسا ہوا زیرہ ایک کھانے کا چمچ

دہی (آپ کی مرضی کے مطابق)

نمک اور پسی ہوئی کالی مرچ حسب ذائقہ

ترکیب: 

کابلی چنوں کو ایک برتن میں اس وقت تک ابالیں جب تک ان سے جھاگ نہ نکلے اور وہ نرم نہ ہوجائیں، پھر انہیں پانی سے نکال کر ٹھنڈا کرنے کے لیے رکھ دیں۔

پھر کھیرے، ٹماٹر، پیاز، مولی اور دھنیا کو کاٹ کر ان کا سلاد بنانے کے لیے انہیں تھوڑا سا کوٹیں یا آپس میں زور سے مکس کریں۔

پھر اس میں زیتون کا تیل، لیموں کا جوس، سرکہ، لہسن اور پسی ہوئی چینی ملادیں۔

الائچی، زیرہ، نمک، اور دیگر تمام مصالحے چنوں میں ملائیں، پھر ایک برتن میں ایک چمچ زیتون کا تیل لے کر چنوں اور مصالحوں کو پکائیں۔