دنیا میں 90 فیصد لوگ چائے پینے کے شوقین ہوتے ہیں جن میں سے کچھ ایسے لوگ بھی ہیں جو ہر وقت اور ہر صورتحال میں چائے پینے کو تیار رہتے ہیں۔

اسی طرح کچھ لوگوں کو کافی پینے کا بہت شوق ہوتا ہے پھر چاہے کوئی بھی موسم ہو وہ اس  کا خیال نہیں کرتے ہیں ۔

لیکن کیا آپ جانتے ہیں کہ چائے یا کافی سے بہتر ہمارے لئے بلیک ٹی ہے جو ہماری جسمانی صحت کے لئے کافی مفید ہے۔

اسے استعمال کرنے والے یہ جانتے ہیں کہ اگر وہ چائے کو صرف پانی میں پکا کر پیئیں گے تو یہ ان کو چوکنّا بنائے گی اور وہ حاضر دماغی کے ساتھ کام کر سکیں گے۔

بلیک ٹی میں بھرپور اینٹی آکسیڈنٹس بھی پائے جاتے ہیں یہ جسم کی بند یا پھر کمزور شریانوں میں خون کی روانی بحال کرتی ہے۔

یہ آپ کے قوتِ مدافعت میں اضافی کرتی ہے اور اس کے استعمال سے آپ کا میٹابولزم بڑھتا ہے۔

وزن میں کمی:

بلیک ٹی کا استعمال آپ کا وزن گھٹانے کے لئے بھی مفید ہے یہ آپ کی آنتوں کی صفائی کرتی ہے اور جسم کی اضافی چربی کو گھلاتی ہے ساتھ ہی اس میں موجود مولیکیول آپ کو کے جسم اور دماغ کو متحرک کرتے ہیں۔

ذیابیطس کا خطرہ:

بلیک ٹی جسے عام لفظوں میں قہوہ کہا جاتا ہے اس کے استعمال سے ذیابطیس کا خطرہ بھی کم ہوتا ہے اور یہ آپ کے خون سے اضافی شوگر کو کم کرتا ہے اور بلڈ شوگر لیول کو متوازن کرتا ہے۔

امراض قلب میں کمی:

تحقیق کے مطابق وہ لوگ جو دن بھر کم سے کم دو کپ قہوہ پیتے ہیں ان میں 21 فیصد دل کے دورے کا خطرہ کم ہوتا ہے۔

نظام ہاضمہ :

قہوہ آنتوں کی صفائی کرتا ہے معدے کے نظام کو فعال کرتا ہے اور ہمارا نظامِ ہاضمہ درست کرتا ہے یہ جلن اور تیزابیت دور کرتا ہے اور معدے کے السر سے بھی بچاتا ہے اس کے استعمال سے اُلٹی اور متلی کی کیفیت میں آرام آتا ہے اور یہ قبض وغیرہ کی شکایت کو بھی دور کرتا ہے۔