ٹیلی ویژن اور موبائل اسکرین ہمارے لئے نقصان دہ ہے لیکن بچوں کے لئے یہ چیزیں شدید خطرناک ثابت ہوسکتی ہیں اور ان چیزوں کے بغیر گزارہ کرنا کیسے سکھایا جائے اس پہلو پر بہت کم بات کی جاتی ہے ۔

آئیے ہم آپ کو بتائیں کہ کس طرح بچوں کو ان چیزوں سے دور رکھ کر بھی خوش رکھا جاسکتا ہے۔

انڈور گیمز:

بچوں کو موبائل سے دور رکھنے کے لئے انڈور گیمز کا اہتمام کریں اور ان کے ساتھ خود بھی کھیلیں۔

نیچر واک:

نیچر واک پر آپ بچوں کو مختلف ٹاسک دے سکتے ہیں مثلاً ساحل سمندر پر لے جا کر پوچھیں کہ کون بچہ مٹی کا سب سے خوبصورت گھر بناتا ہے یا مختلف سیپیاں اکھٹی کرنا، پودے لگانا وغیرہ۔

نئے مشاغل:

اپنے بچوں کو نئی چیزوں سے متعارف کروائیں جیسے کے تیراکی، فٹ بال، کرکٹ، دوڑ، کتابیں پڑھنا وغیرہ جس سے وہ اپنی انرجی کو مثبت طور پر استعمال کر سکیں۔

گھر کے کام میں مصروفیت:

کو گھر کے بے ضرر چھوٹے موٹے کاموں کی ذمہ داری سونپ دیں جیسے پودوں کو پانی دینا، اپنا کمرا خود صاف کرنا، اپنے کپڑے اور کتابیں الماری میں ترتیب سے رکھنا، اور اپنی نگرانی میں بیکنگ وغیرہ بھی کروائی جاسکتی ہے ۔

پالتو جانور:

پالتو جانور رکھنا بھی بچوں کو مصورف رکھنے کے لئے اچھی سرگرمی ہے۔ گھر میں جانور پالنے سے بچے مصروف ہی نہیں رہتے بلکہ ان میں صبر اور برداشت پیدا ہوتا ہے۔