بڑی عید یعنی دعوتوں اور مزے مزے کے پکوانوں کا موسم ہے لیکن ایسے میں اپنی صحت کا خیال بھی رکھنا بہت ضروری ہے ورنہ کسی سنگین صورتحال کا سامنا ہوسکتا ہے۔

گوشت ایک ایسی غذا ہے جو انسانی صحت کے حوالے سے کئی طرح سے فائدہ مند ہوتا ہے اور اس کے انسانی صحت پر کئی اچھے اثرات مرتب ہوتے ہیں۔

گوشت میں آئرن، پروٹین، وٹامن بی 12،زنک اور اومیگا تھری جیسے اجزاء ہوتے ہیں جو انسانی صحت و تندرستی میں انتہائی اہم کردار ادا کرتے ہیں۔

لیکن یہ بھی حقیقت ہے کہ گوشت سے بنے مصالھے دار کھانوں اور دعوتون کی وجہ سے صحت خراب ہوجاتی ہے، تو اس کا خیال کیسے کرنا ہم آپ کو بتائیں گے۔

1۔  گوشت کو زیادہ دن تک فریج میں نہیں رکھنا چاہیے اس سے گوشت کی تازگی اور غذائیت پر بھی برا اثر پڑتا ہے جو صحت کیلئے بہت نقصان دہ ہے۔

2۔ عید الضحٰی کے موقع پر گوشت کے استعمال میں اگر اعتدال سے کام نہ لیا جائے تو پیٹ اور معدے کے امراض لاحق ہو جاتے ہیں، معدے میں تیزابیت اور بد ہضمی ہونے سے دیگر امراض بھی لاحق ہو سکتے ہیں۔

3۔ عیدالاضحیٰ کے موقع پر بسیارخوری اور بہت زیادہ گوشت کھانے کی وجہ سے مریضوں کی ایک بڑی تعداد اسپتال پہنچ جاتی ہے لہٰذا معتدل کھانے کے لئے دیگر اشیاء بالخصوص سبزیوں ، پھلوں اور پانی کا زیادہ سے زیادہ استعمال کریں۔