کیا آپ لوگ جانتے ہیں کہ ایئر کنڈیشنر سے نکلنے والا پانی آپ کے گھر میں موجود یو پی ایس کی عمر بڑھا سکتا ہے؟
اگر نہیں جانتے ہیں تو آج ہم آپ کو اس حوالے سے کچھ ضروری معلومات فراہم کرینگے۔
ٹیکنالوجی کا دور ہے اور وہ لوگ جو جنریٹر استعمال کرتے تھے اب یوپی ایس کا استعمال کرنے لگے ہیں۔
یو پی ایس بیٹری پر چلتا ہے جس کو سال بھر میں ایک بار تبدیل ضرور کیا جاتا ہے اسکے علاوہ اس میں پانی بھی ڈالا جاتا ہے ۔
یو پی ایس میں پانی ڈالنے کے لئے ڈسٹلڈ واٹر کا استعمال کیا جاتا ہے جو کہ اس کی کارکردگی کو متاثر نہیں کرتا ہے لیکن یہ پانی بہت مہنگا ہوتا ہے۔
اسی وجہ سے آج ہم آپ کو بتارہے ہیں کہ یو پی ایس میں مہنگے ڈسٹلڈ واٹر کی جگہ اے سی سے نکلنے والا پانی ڈالیں اس سے آپ کے یو پی ایس کی کارکردگی کے ساتھ اس کی عمر بھی بہتر ہوگی۔
ایئر کنڈیشنر کا پانی استعمال کرنے پر بیٹری اپنی اوسط عمر سے تقریباً دو یا تین ماہ تک زیادہ کام کرتی ہے۔
یہ پانی دراصل ہوا میں موجود آبی بخارات کے ٹھنڈا ہو کر مائع حالت میں تبدیل ہونے کی وجہ سے بنتا ہے اور اسی بنا پر بہت خالص بھی ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News