سردیوں کے موسم میں بالوں میں تیل لگانا کیوں ضروری ہوتا ہے؟

Web Desk

04th Dec, 2021. 03:01 pm
بالوں میں تیل لگانا

موسم سرما کا دوسرا نام خشکی ہوسکتا ہے کیونکہ اس موسم میں ہوا، ماحول یہاں تک کہ انسانی تاثرات بھی خشک ہوجاتے ہیں یعنی مرجھا جاتے ہیں۔

اس موسم کی خشک، روکھی اور بےجان فضائیں انسانی جسم کے اعضاء پر بھی خشکی پیدا کردیتی ہیں۔

ایسے میں بالوں میں خشکی ہوجانا اسکی جڑوں کو کمزور، بےجان بنادیتا ہے جس کی وجہ سے بال بھی بےجان نظر آتے ہیں۔

اس صورتحال سے بچنے کے لئے ضروری ہے کہ آپ اپنا، اپنی جلد اور بالوں کا بہت خیال رکھیں۔

جلد کی خفاظت کے لئے تو لوشنز، کریموں اور دیگر چیزوں کا استعمال کیا جاسکتا ہے لیکن بالوں میں پیدا ہونے والی خشکی سے کیسے نجات حاصل کریں؟

اس حوالے سے چند ٹپس آپ کو بتائیں گے جو آپ کے بالوں کی صحت کے لئے بہتر ثابت ہوگی۔

1۔ ہر بار بال دھونے سے کم سے کم 2 گھنٹے قبل تیل بالوں میں تیل کی مالش کو یقینی بنائیں، اس بالوں میں خشکی ختم کرنے میں مدد ملے گی۔

2۔ جس دن بال دھونے ہوں اس سے ایک رات پہلے بالوں میں اچھی طرح تیل لگائیں تاکہ بالوں میں شیمپو کرنے کے بعد ایک چمک پیدا ہوجائے۔

3۔ اب بالوں کا خیال رکھنے کے لئے بہت سے پراڈکٹس مارکیٹ میں دستیاب ہیں جن میں شیمپو کے علاوہ، کنڈیشنر اور ہیئر ماسک اور سیرم بھی شامل ہے۔

اگر آپ شیمپو کے بعد کنڈیشنر یا ہیئر ماسک کو تھوڑی دیر لگائیں اور دھولیں تو اس سے بھی بال اچھے ہوجائیں گے ۔

یا پھر شیمپو کے بعد صرف سیرم کا استعمال بھی بالوں کی اچھی دیکھ بھال میں مدد کرتا ہے۔

خیال رہے کہ اس موسم میں سرسو کے تیل کا استعمال بہترین قرار دیا جاتا ہے ۔

اس کے علاوہ ماہرین کا کہنا ہے کہ اگر بال دھونے کے فوراً بعد بالوں کی جڑوں میں تیل کی بہت کم  مقدار کے ساتھ مالش کرلی جائے تو بالوں میں خشکی پیدا نہیں ہوتی ہے۔

Square Adsence 300X250