موسم سرما میں گیس کے پریشر میں کمی کا سامنا رہتا ہے ساتھ ہی چولہے کی صفائی نہ ہو تو یہ مسئلہ اور بھی بڑھ جاتا ہے۔
گھروں میں عموماً دیکھا گیا ہے کہ کھانے پکاتے ہوئے چولہوں پر کچھ نہ کچھ گر جاتا ہے لیکن اس کی صفائی کی طرف دھیان کم ہی دیا جاتا ہے اور اس طرح برنر میں گیس کم ہوتی جاتی ہے یہاں تک کہ بلکل نہیں آتی۔ آج یہاں پر چولہے کو صاف کرنے کا ایسا طریقہ بتارہیں ہیں جس کے بعد گیس بغیررکاوٹ کے آنے لگے گی۔
کارویکس
گاڑیوں کے شوقین افراد اس نام سے ضرور واقف ہوں گے یہ ایک طرح کی ویکس ہے جسے گاڑیوں کو صاف اور اس پر پالش کرنے کے لئے استعمال کیا جاتا ہے۔ کار ویکس گاڑیوں پر انگلیوں کے نشانات، دھول مٹی اور سیاہ دھبے بھی صاف کرتا ہے لیکن حیرت انگیز طور پر اسے چولہے کو صاف کرنے کے لئے بھی استعمال کیا جاسکتا ہے۔
سب کام سے فارغ ہوکر چولہے کو ٹھنڈا ہونے دیں اب اس پر کار ویکس کی ایک موٹی سی تہہ کسی کپڑے کی مدد لگائیں، ویکس کی یہ تہہ تقریباً دو ہفتے رہے گی اور پھر خود ہی ختم ہوجائےگی، اس دوران چولہے کی تمام گندگی ویکس پر جمع ہوتی رہے گی جسے صاف کرنا نہایت آسان ہوگا۔
اس کار ویکس کو اسٹین لیس اسٹیل، دھات، شیشہ اور سیکامک پر بھی استعمال کیا جاسکتا ہے۔
برنر
بر نر کی صفائی کے لئے ایک پیالہ سرکہ لیں اور اس میں آدھا کپ پانی شامل کر کے ایک محلول تیار کر لیں اب اس محلول میں برنر کو رات بھر کے لئے رہنے دیں اگلے دن کسی بھی برش سے رگڑ کر صاف کرلیں اس طرح گیس برنر نہ صرف ہو جائے گا بلکہ آنچ بھی تیز ہوجائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News