موسم سرما اپنے عروج پر ہے اور ہر طرف یخ بستہ ہواؤں نے ڈیرے ڈال رکھے ہیں اس موسم میں خشک ہوائیں چلتی ہیں اور نمی کم ہونے کی وجہ سے جلد خشک ہونے لگتی ہے اور اس طرح یہ بے رونق دکھائی دیتی ہے۔اگرچہ اس سے بچنے کا بہترین طریقہ موئسچرائزرکا استعمال ہے۔

لیکن اکثر افراد کی جلد ایسی ہوتی ہے جو مختلف کریم اور لوشن لگانے کے باوجود بھی خشک ہی رہتی ہے۔

ایسی صورت میں کوشش کریں کہ کوئی بھی مؤسچرائزر جو آپ جلد کے لیے خریدتے ہیں ان میں ان اجزاء کو ضرور چیک کریں کہ ان میں کونسے اجزاء موجود ہیں جبکہ اس کے ساتھ ہی آپ اپنے روزمرہ کے معمولات میں ان 4 اجزاء کو شامل کریں جو آپ کی جلد کو کسی بھی مؤسچرائزر سے زیادہ  نرم اور ملائم بنانے میں اپنی مثال نہیں رکھتے۔ یہاں ان ہی بہترین اجزاء کے بارے بتایا جارہا ہے۔

آرگن آئل

مراکشی آرگن آئل جسے مائع گولڈ کے نام سے بھی جانا جاتا ہے ایک مقبول سکن کیئر جزو ہے جو پچھلے کئی برس سے خشک اور بے رونق جلد کے علاج کے لیے استعمال کیا جارہا ہے۔ اس تیل میں ایک چھوٹا مالیکیولر فارمولا ہوتا ہے، اس لیے یہ جلد میں بہت زیادہ آسانی سے جذب ہو جاتا ہے تاکہ اندر سے خشکی کا علاج کیا جا سکے۔ اس کے علاوہ فیٹی ایسڈز اور وٹامن ای سے بھرپور ہونے کے باوجود یہ جلد میں جذب ہونے پر چکنائی کی تہہ نہیں بناتا۔

گلیسرین

جلد کی صحت و حفاظت میں اس اہم جز کی افادیت سے ہر ایک واقف ہے اورموسم سرما میں خشک اور کھردری جلد کے لیے گلیسرین کا استعمال کسی نعمت سے کم نہیں۔ گلیسرین کی قدرتی خصوصیات آپ کی جلد میں نمی پیدا کرتی ہیں تاکہ موسم سرما کے خشک مہینوں میں اسے صحت مند اور ہائیڈریٹ رکھا جا سکے۔ خشکی کو دورکرنے سے لے کر عمر رسیدگی کے اثرات سے کو کم کرنے تک گلیسرین ایک ایسا جز ہے جسے آپ کو اپنی خوبصورتی کے معمولات میں ضرور شامل کرنا چاہیے۔

ہیلورونک ایسڈ

یہ ایسڈ جلد کی دیکھ بھال کے بہترین اجزاء میں سے ایک ہے خاص طور پر موسم سرما کے دوران، چونکہ یہ جزو قدرتی طور پر جلد میں پایا جاتا ہے، اس لیے یہ جلد کی تمام اقسام کے لیے مفید تصورکیا جاتا ہے۔ یہ ایک قدرتی طورپر جلد میں نمی کو محفوظ کرنے والا جزہے جوآپ کی جلد کو انتہائی نرم اور ملائم رکھنے کے لیے جلد کی سطح پر پانی کو برقرار رکھتا ہے۔

ایلو ویرا

ایلوویرا جیل جلد کی دیکھ بھال کے سب سے عام اجزاء میں سے ایک ہے جو سارا سال استعمال کیا جا سکتا ہے، لیکن سردیوں میں خاص طور پر فائدہ مند ہے۔ وٹامن سی، ای اور بیٹا کیروٹین سے بھرپور ایلو ویرا جیل کا استعمال سرد موسم میں جلد کے تمام ہی مسائل کو حل کرنے کی صلاحیت رکھتا ہے اس کے استعمال کرنے سے جلد نرم اور ہموار رہتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​