ایپل ہمیشہ سے ہی اپنی ڈیوائسز میں نت نئے فیچرز متعارف کرتا رہتا ہے ان ہی میں ایپل واچ بھی شامل ہے۔ یہی وجہ ہے کہ صحت کو بہتر بنانے کی دوڑ میں شامل ایپل واچ میں اب بہت سارے نئے اور حیرت انگیز فیچرز متعارف کرائے جارہیں ہیں۔

ایپل اپنی واچ میں ہمیشہ ہی نئی خصوصیات شامل کرتا رہتا ہے اب یہ کہاجارہا ہے 2024 ورژن آپ کی صحت کے لیے ایک گیم چینجر ثابت ہو سکتا ہے۔

بلومبرگ کی ایک رپورٹ کے مطابق، ڈیوائس کی تازہ ترین سیریز میں تین نئے اضافی ہیلتھ سینسرز شامل کیے جائیں گے، جو پہننے والوں کو اگر وہ پہلے سے ذیابیطس کے مریض ہیں تو آگاہ کر سکتی ہیں، جبکہ بڑھتے ہوئے بلڈ پریشر کو محسوس اور نیند میں خلل کا پتہ لگا سکتی ہے جس کا مطلب یہ ہے کہ اس طرح آپ بلڈ پریشر کے بڑھنے کے بارے جان سکتے ہیں یا نیند کی کمی کی وجہ کیا ہے یہ بھی معلوم ہوسکتی ہے۔

یہ بالکل واضح نہیں ہے کہ ایپل واچ سیریز 10 بلڈ پریشر کا پتہ کیسے لگائے گی، لیکن فوربس کا خیال ہے کہ  ایپل اس میں نیئر انفریڈ اسپکٹرواسکوپی کا استعمال کر سکتا ہے۔ نیئر انفریڈ روشنی کے ساتھ خون کے بہاؤ کو دیکھ کر بلڈ پریشر میں تبدیلیوں کا اندازہ لگاسکتا ہے۔

اگرچہ یہ ٹیکنالوجی درست معلومات فراہم نہیں کرے گی جس طرح ایک ڈاکٹر فراہم کر سکتا ہے، لیکن یہ کسی بھی بڑی تبدیلی کا پتہ لگانے کی صلاحیت رکھتی ہے۔ جس سے اس شخص کو یہ ضرور معلوم ہوسکتا ہے اب اسے صحت کی دیکھ بھال کرنے والے کسی پیشہ ور سے ملنا چاہیے۔

اسی طرح بلڈ پریشر کا اندازہ  لگانے کی خصوصیت کے ساتھ یہ نیند کی کمی کا پتہ لگانے کا کام بھی ابتدائی طور پر کر سکتی ہے اور معالج سے رابطہ کرنے بارے میں آگاہ کر سکتی ہے۔

نیند کی کمی کے بارے میں جاننے کے لیے یہ ڈیوائس جسمانی حرکت، سانس لینے کی شرح، خراٹے اور دل کی دھڑکن جیسے اشارے کو نوٹ کرے گی،  تاہم، یہ دماغی سرگرمی کی نگرانی نہیں کر سکے گی۔

بلومبرگ نے یہ بھی اطلاع دی ہے کہ ایک ایپل واچ جس میں صرف بلڈ گلوکوز مانیٹر ہوگا تاکہ پہننے والے کو یہ معلوم ہو سکے کہ آیا وہ ذیابیطس کا مریض ہے یا نہیں۔

ایپل کی صحت کی دیکھ بھال کے حوالے سے ابھرتے ہوئے نقطہ نظر کی بدولت توقع کی جارہی ہے کہ  وہ مستقبل میں جاری کی جانے والی اپنی مصنوعات میں صحت کی دیگر خصوصیات پر کام جاری رکھے گا، جیسے کہ ایئر پوڈز جو گھر میں سماعت کو جانچنے کے لیے ایک خصوصی سماعت کے آلے کے طور پر کام کرتے ہیں۔

ایپل مبینہ طور پر ایک ڈیجیٹل ہیلتھ کوچنگ سروس بھی بنا رہا ہے جو کسی بھی شخص کی صحت کو دیکھتے ہوئے  ورزش اور کھانے کے منصوبے بنائے گی۔  جس کے لیے ماہانہ سبسکرپشن کی ضرورت ہوگی اور یہ مصنوعی ذہانت اور ڈیوائس میں موجود ڈیٹا استعمال کرتے ہوئے کام کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​