Advertisement
Advertisement
Advertisement
Advertisement

جاپان سے تعلق رکھنے والے شخص نے انوکھا پزل حل کر کے سب کو حیران کردیا

Now Reading:

جاپان سے تعلق رکھنے والے شخص نے انوکھا پزل حل کر کے سب کو حیران کردیا
جاپان سے تعلق رکھنے والے شخص نے انوکھا پزل حل کر کے سب کو حیران کردیا

جاپان سے تعلق رکھنے والے شخص نے انوکھا پزل حل کر کے سب کو حیران کردیا

یہ حیران کن خبر جاپان سے آئی ہے جہاں ایک شخص نے 10000 ین کا نوٹ غلطی سے کاغذ کاٹنے والی مشین میں ڈال دیا تھا تاہم اس کے بیٹے نے اس نوٹ کے ٹکڑوں کو ایک پزل کی طرح تین ہفتوں میں جوڑ کر سب کو حیران کر دیا۔

واضح رہے کہ جاپان میں ایک شخص نے دفتر میں موجود ردی کے ساتھ غلطی سے ایک ایسا لفافہ بھی کاغذ کاٹنے والی مشین میں ڈال دیا جس میں انہوں کچھ مہینوں پہلے 10000 ین کو نوٹ رکھا تھا تاہم جب انہیں یاد آیا اس وقت تک نوٹ کے نہ صرف سیکڑوں ٹکڑے ہوچکے تھے بلکہ یہ پھٹا ہوا نوٹ ہزاروں کاغذ کے ٹکڑوں میں شامل ہوگیا تھا جسے نکالنا اور پھر ان نوٹ کے ٹکڑوں کوجوڑنا گویا جوئے شیر لانے سے کم نہ تھا۔

تاہم یہ شخص کاغذ کے اس ڈھیر کو گھر لے آیا اور اپنے بیٹے ٹومو سے کہا کہ اگر وہ اس کاغذ کے ڈھیر سے نوٹ نکالنے میں کامیاب ہوجاتا ہے اور اسے جوڑ لیتا ہے تو یہ نوٹ اس کا ہوا۔

 ٹومو جو کہ پزل بنانے کا شوق رکھتا ہے اس نے اسے اپنی زندگی کا سب سے بڑا چیلنج سمجھ کر اسے قبول کرلیا، ٹومو نے فروری کے وسط میں کاغذ کے دوسرے ٹکڑوں سے نوٹ کے ٹکڑوں کو چھانٹ کر علحیدہ کرنا شروع کیا، پھر اس نے 10000 ین کا ایک اور نوٹ اپنے سامنے رکھا اور نوٹ کے ان ٹکڑوں کو ین کے نوٹ کے اوپر رکھ کر ایک پزل کی طرح جوڑنا شروع کیا، 21 مارچ کو، ٹومو نے جزوی طور پرجڑے ہوئے نوٹ کی ایک تصویر شیئر کی، نوٹ کے اس پزل کو جوڑنے میں انہیں تین ہفتے لگ گئے۔ بالآخر وہ نوٹ کو کسی حد تک جوڑنے میں کامیاب ہوگیا۔ اس طرح اس نے نوٹ کو جوڑ کر اپنی زندگی کا مشکل ترین پزل حل کرلیا۔

Advertisement

اب معاملہ اس نوٹ کو بینک میں پیش کر کے ایک نیا نوٹ حاصل کرنے کا تھا، واضح رہے کہ جاپان میں نوٹ کی تبدیلی کے لیے ایک خاص پالیسی ہے جس کے مطابق اگر کوئی بھی شخص بینک کو نوٹ کا 2/3 سے زیادہ حصہ دیتا ہے تو ایسی صورت میں اسے پوری قیمت دی جاتی ہے لیکن اگر نوٹ کا 2/5 اور 2/3 کے درمیان ہوتا ہے اسے اس نوٹ کی نصف قیمت پر تبدیل کیا جا سکتا ہے، اور اگر کوئی شخص بینک کو نوٹ کا 2/5 سے کم حصہ واپس کرتا ہے تو اسے تبدیل نہیں کیا جاتا۔

اس کے علاوہ تمام ٹکڑوں کا تعلق ایک ہی بینک کے نوٹ سے ہونا ضروری ہے اور اس پر لکھے ہوئے نمبر بھی واضح ہونے چاہئے۔

ٹومو گزشتہ ماہ کے آخر میں اس نوٹ کو لے کر بینک آف جاپان گیا جہاں اس نوٹ کا معائنہ کیا گیا پھر اسے اسی قیمت کا یعنی 10000 ین کا نیا نوٹ دے دیا گیا۔

ٹومو کا کارنامہ ٹوئٹر پر کافی مقبول ہورہا ہے جبکہ بہت سے صارفین نے ٹومو کے صبر اور عزم کی تعریف کرتے ہوئے اسے مزید انعام سے نوازنے کا کہا ہے۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
موسم گرما میں روزانہ چہرہ کتنی بار دھونا چاہئے؟
ماہرین نے کافی کا ایک اور حیرت انگیز فائدہ پیش کردیا
مائیگرین کا سبب بنے والی اس عام سی وجہ سے واقف ہیں؟
کھانے پکانے کا تیل کب مضر صحت بن جاتا ہے؟ ماہرین نے آگاہ کردیا
سی سیکشن کے ذریعے جنم لینے بچے خسرہ کے لیے کم قوت مدافعت رکھتے ہیں، تحقیق
انوکھے فوبیا میں مبتلا بچے کو اسکول میں تعلیم حاصل کرنے سے روک دیا گیا
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر