کم درد دنیا بھر میں ایک عام مسئلہ بنتا جارہا ہے، جو آپ کی روزمرہ زندگی پر منفی اثرات مرتب کرتا ہے۔ یہ درد عموماً کمر کے نچلے حصے میں محسوس ہوتا ہے اور مختلف وجوہات کی بنا پرجنم لیتا ہے یہاں پر انہی کے بارے میں تازہ ترین تحقیق کی روشنی میں بات کی جارہی ہے۔

کمردرد کی سب سے عام وجوہات

 بیٹھنے کا غلط انداز

دیکھا گیا ہے کہ لوگوں کی بڑی تعداد کمپیوٹر یا موبائل پر وقت گزارتی ہے، جس کی وجہ سے وہ غلط انداز میں بیٹھتے ہیں۔ یہ خراب پوزیشن ریڑھ کی ہڈی پر دباؤ ڈالتی ہے اور نتیجتاً کمر میں درد ہونے لگتا ہے۔

زیادہ وزن

اضافی وزن ریڑھ کی ہڈی اور کمر کے عضلات پر دباؤ بڑھاتا ہے، جس سے درد کی شکایت جنم لیتی ہے، جبکہ موٹاپے کے صورت میں کمر کے نچلے حصے میں خاص طور پر زیادہ دباؤ پڑتا ہے۔

پٹھوں کا کھنچاؤ

کسی اچانک حرکت یا بھاری چیز اٹھانے سے کمر کے  پٹھے کھنچ سکتے ہیں، جو شدید درد کا باعث بن سکتے ہیں۔ ایسا عموماً کھیل کود یا غلط انداز میں وزن اٹھانے کے دوران ہوتا ہے۔

دفتری کام یا  طویل وقت تک بیٹھنا

ایسے تمام افراد جواپنا زیادہ تر وقت بیٹھ کر گزارتے ہیں، جیسے دفتری ملازمین، ان میں کمر کے درد کا امکان زیادہ ہوتا ہے۔ بیٹھنے کی خراب حالت اور جسمانی حرکت کی کمی بھی درد کا باعث بنتی ہے۔

اسٹریس اور تناؤ

جذباتی یا ذہنی دباؤ بھی جسم کے مختلف حصوں میں درد کا سبب بن سکتا ہے۔ جب آپ ذہنی دباؤ میں ہوتے ہیں تو عضلات میں تناؤ پیدا ہوتا ہے، جو کمرکے درد کا باعث بن سکتا ہے۔

تازہ ترین ترین تحقیق کیا کہتی ہے؟

حال ہی میں ہونے والی ایک تحقیق میں یہ بات سامنے آئی ہے کہ  کمرکے درد کا زیادہ تر تعلق ہمارے طرزِ زندگی سے ہوتا ہے۔ یونیورسٹی آف سائنسز، سڈنی کی 2023 کی ایک تحقیق کے مطابق، ورزش کی کمی اور مسلسل بیٹھنے کا طرزِ عمل کمر کے درد کے بڑے عوامل ہیں۔ اس تحقیق میں یہ تجویز کیا گیا ہے کہ ہلکی ورزش، خاص طور پر یوگا اور پیلاٹس جیسی جسمانی مشقیں، درد کو کم کرنے میں مددگار ثابت ہو سکتی ہیں۔

اس کے علاوہ، 2022 میں امریکن جرنل آف میڈیسن میں شائع ہونے والی ایک تحقیق نے یہ ثابت کیا کہ متوازن غذا، جس میں وٹامن ڈی، کیلشیم اور میگنیشیم شامل ہو، تو یہ ہڈیوں اور ریڑھ کی ہڈی کی صحت کو بہتر بناتی ہے اور درد کو کم کرتی ہے۔

یوکے کی ایک تحقیق میں 2023 میں یہ بات سامنے آئی کہ ذہنی دباؤ اور نیند کی کمی بھی کمرکے درد کو بڑھا سکتی ہے۔ اس تحقیق میں یہ بھی بتایا گیا ہے کہ بہتر نیند کی عادت اور مراقبے کی مشقیں جسم کے قدرتی درد کو کم کرنے میں معاون ہوسکتی ہیں۔