اکثر دیکھا گیا ہے کہ لوگوں کی بڑی تعداد مختلف اقسام کی چپس یا دیگر اسنیکس کو کسی نہ کسی ڈپ یا ساس کے ساتھ کھاتی ہے، کھانے کا یہ انداز ان میں وزن کے تیزی سے بڑھنے کا سبب بنتا ہے۔

حال ہی میں کی جانے والی ایک تحقیق کے مطابق چپس کے ساتھ ڈپ لینے سے آپ کی کیلوریک انٹیک 77 فیصد تک بڑھ سکتی ہے۔

پین اسٹیٹ یونیورسٹی کے محققین نے ڈپس اور کیلوریک انٹیک کے درمیان ایک مضر صحت رشتہ دریافت کیا ہے، انہوں نے پایا کہ ایسے تمام افراد جو اسنیکرز چپس کو ڈپ کے ساتھ کھاتے ہیں اس طرح یہ 77 فیصد زیادہ کیلوریز لیتے ہیں، کیوں وہ اس طرح چپس کو بہت تیزی سے کھاتے ہیں۔

اس تحقیق کے لیے، 46 بالغ افراد کو دو ہفتے کی مدت میں جپس کھانے کے لیے دو بار مدعو کیا گیا۔ ایک بار انہیں تین چھوٹے بیگوں میں رینچ فلیورڈ چپس دی گئیں۔ دوسری بار انہیں وہی مقدار چپس اور 1/3 کپ رینچ فراہم کیا گیا۔

 تمام شرکاء کو اختیار دیا گیا تھا کہ وہ جتنا چاہیں کھا سکتے ہیں، جبکہ محققین نے کتنے نوالے لیے اور کھانے میں کتنا وقت صرف کیا، ریکارڈ کیا۔

محققین نے یہ فرض کیا کہ رینچ کو اسنیک میں شامل کرنے سے شرکاء چپس کی کم مقدار کھائیں گے تاکہ اضافے کا توازن برقرار رہے، تاہم، انہوں اس نظریے کے برخلاف، ڈپ کے ساتھ چپس کی بھی وہی مقدار کھائی۔

شرکاء نے ہر اسنیک سیشن میں اوسطاً 345 کیلوریز چپس اور ڈپ سے حاصل کیں، جبکہ صرف چپس کھانے پر 195 کیلوریز حاصل ہوئیں۔

اس کے علاوہ ڈپ کے ساتھ چپس سرو کرنے پر شرکاء نے نہ صرف بڑے نوالے لیے بلکہ کھانے میں بھی بہت عجلت سے کام لیا۔

محققین کا کہنا ہے کہ اسنیک کھانے کے طریقوں کو سمجھنا زیادہ کھانے اور موٹاپے جیسے عالمی مسئلے کو حل کرنے کے لیے بہت ضروری ہے۔