خزاں کا موسم سال کے چار موسموں میں سے ایک اہم موسم ہے، جو گرمیوں کی شدت کے بعد ٹھنڈے اور معتدل موسم کا آغاز کرتا ہے۔ یہ موسم ستمبر سے نومبر کے درمیان آتا ہے، جب درختوں کے پتے زرد، سرخ اور بھورے رنگوں میں بدلنے لگتے ہیں۔ خزاں کا موسم نہ صرف ایک جمالیاتی اور شاعرانہ موسم ہے بلکہ اس کے قدرتی اور سائنسی اثرات بھی ہیں جو انسانوں کی صحت اور ماحولیاتی تبدیلیوں پر گہرا اثر ڈالتے ہیں۔

موسم خزاں چند خصوصیات

پتوں کا گرنا

 خزاں کا سب سے نمایاں پہلو درختوں کے پتوں کا جھڑنا ہے۔ گرمیوں کے بعد، جب دن کے اوقات کم ہونے لگتے ہیں اور درجہ حرارت گرنے لگتا ہے، درخت اپنی غذائیت کی ضروریات کو پورا کرنے کے لیے پتوں کو چھوڑ دیتے ہیں تاکہ موسم سرما میں زندہ رہ سکیں۔ اس دوران پتوں کا رنگ سبز سے سرخ، زرد یا بھورا ہوجاتا ہے، جو قدرتی خوبصورتی میں اضافہ کرتا ہے۔

موسم کی تبدیلی

خزاں میں دن کا درجہ حرارت گرنا شروع ہوتا ہے اور راتوں کو خنکی بڑھنے لگتی ہے۔ ہوا کی نمی کم ہونے کی وجہ سے یہ موسم خشک محسوس ہو سکتا ہے، اور سردی کے آثار ظاہر ہونے لگتے ہیں۔

ماحولیاتی تبدیلیاں

خزاں میں زمین پر جانداروں کی زندگی کے لیے بھی اہم تبدیلیاں رونما ہوتی ہیں۔ پودے اور درخت سردیوں کے لیے تیاری کرتے ہیں، اور جانوروں کی بہت سی اقسام سردیوں کے دوران ہائبرنیشن (طویل نیند) میں جانے کے لیے خوراک جمع کرتی ہیں۔

خزاں اور صحت

حالیہ تحقیق کے مطابق خزاں کا موسم نہ صرف فطرت پر اثر انداز ہوتا ہے بلکہ انسانی صحت پر بھی اہم اثرات ڈالتا ہے۔ ستمبر 2023 کی ایک طبی تحقیق کے مطابق، خزاں کے دوران ہوا کی نمی میں کمی اور درجہ حرارت کی کمی کی وجہ سے جلد خشک ہونے اور سانس کی بیماریوں میں اضافہ ہوتا ہے۔

خزاں میں سردی کی لہر شروع ہوتے ہی لوگوں میں سیزنل ڈپریشن (موسمی افسردگی) کا رجحان بھی دیکھا گیا ہے۔ ایک امریکی تحقیق کے مطابق، روشنی کی کمی اور درجہ حرارت کی کمی کی وجہ سے موڈ میں تبدیلیاں، اداسی، اور توانائی کی کمی ہو سکتی ہے۔ ماہرین تجویز کرتے ہیں کہ خزاں میں باہر دھوپ میں زیادہ وقت گزارنا اور متوازن غذا کا استعمال اس قسم کے مسائل سے بچنے میں مددگار ثابت ہو سکتا ہے۔

خزاں اور ماحولیاتی تحقیق

خزاں کے موسم کی ماحولیاتی تبدیلیوں پر بھی ایک تحقیق کی گئی، ماہرین ماحولیات کے مطابق، گلوبل وارمنگ کے اثرات کے تحت خزاں کا دورانیہ مختصر ہو رہا ہے، اور پتے جھڑنے کا عمل تاخیر سے شروع ہو رہا ہے۔ اس تحقیق کے مطابق، 2024 میں خزاں کی آمد میں تقریباً دو ہفتوں کی تاخیر دیکھنے میں آئی ہے جو ماحولیاتی تبدیلیوں کا نتیجہ ہے۔