دنیا میں شوہروں کی بڑی تعداد بیویوں کے ساتھ شاپنگ کرنے اور مال میں گھومنے سے کتراتی ہے اور اس بچنے کے لیے مختلف بہانے بناتی ہے، تاہم ایک روسی شخص نے اس عمل سے بچنے کے لیے بیوی کے سامنے ایک انوکھا بہانہ پیش کردیا۔

روس سے تعلق رکھنے والے ایک شخص نے اپنی ذاتی گاڑی کی چوری کا ڈرامہ رچایا تاکہ وہ اپنی بیوی کے ساتھ خریداری کرنے سے بچ سکے۔

پچھلے مہینے کراسنویارک میں پولیس نے ایک مقامی شخص کے بارے میں عجیب و غریب کیس کی رپورٹ دی، جس نے اپنی ہی گاڑی کو نقصان پہنچا کر ایک جعلی کار چوری کا ڈرامہ رچایا تاکہ وہ اپنی بیوی کے ساتھ خریداری پر نہ جاسکے۔
یہ واقعہ اپریل میں پیش آیا تھا، لیکن علاقائی پولیس نے اسے اکتوبر میں میڈیا کو بتایا۔

پولیس کے مطابق ایک خاتون نے ایمرجنسی نمبر پر کال کر کے اطلاع دی کہ ان کے شوہر کی ٹویوٹا کرولا گاڑی ان کے گھر کے قریب پارکنگ لاٹ سے چوری ہو گئی ہے۔ بعد میں اس نے دوبارہ کال کی اور بتایا کہ گاڑی کراسنویارک کے اوڈیخا جزیرے پر مل گئی ہے۔

یہ بھی پڑھیں: شریک حیات کو خوش رکھنا چاہتے ہیں تو ان عادات کواپنائیں

جب پولیس نے گاڑی کی تفتیش کا آغاز کیا تواس میں ایسے شواہد نہیں ملے جس سے گاڑی کی چوری کا شبہ ہو، تاہم جب اس کے شوہر سے تفتیش کی تو پولیس کواندازہ ہونے لگا کہ وہ سچ نہیں بول رہا، اور پولیس کے دباؤ ڈالنے پر اس کی کہانی اتنی ہی کمزور ہوتی چلی گئی ہے، تاہم تمام شواہد کا تجزیہ کرنے کے بعد پولیس نے یہ نتیجہ نکالا کہ مرد نے اپنی بیوی کے ساتھ خریداری سے بچنے کے لیے خود گاڑی چوری کا ڈرامہ رچایا تھا۔

روسی شخص کے خلاف کوئی مجرمانہ ریکارڈ نہ ہونے کے باوجود بھی وہ سزا کا مستحکم ٹھہرایا جاسکتا ہے، اوراس حرکت کی وجہ سے اسے سزا ہوسکتی ہے۔

اس کے خلاف روسی فوجداری ضابطہ کی دفعہ 306 جان بوجھ کر جھوٹا الزام کے تحت مقدمہ درج کیا گیا ہے، اور وہ دو سال تک قید کی سزا کا سامنا کر سکتا ہے، جبکہ اس پر سفر کرنے پر پابندی بھی ہو گی۔