لاہور موٹروے زیادتی کیس کے مرکزی ملزم عابد ملہی کو جسمانی ریمانڈ کیلئے آج انسداد دہشت گردی کی عدالت میں پیش کیے جانے کا امکان ہے۔
تفصیلات کے مطابق سی آئی اے اور سی ٹی ڈی نے ملزم عابد کو 33 روز بعد مانگا منڈی سے گرفتار کیا۔
ذرائع کے مطابق دوسرا ملزم شفقت پہلے ہی جوڈیشل ریمانڈ پر جیل میں ہے۔
صدر مملکت عارف علوی نے ملزم عابد کی گرفتاری کو باعث اطمینان قرار دیتے ہوئے کہا کہ ملزم کو سخت ترین مثالی سزا ملنی چاہئے۔
وزیراعلیٰ پنجاب عثمان بزدار نے قانون نافذ کرنے والے اداروں کی کارکردگی کی تعریف کی۔