معاون خصوصی فردوس عاشق اعوان نے وزیراعظم عمران خان کی امریکی صدرڈونلڈ ٹرمپ سے کامیاب ملاقات کو پاکستان کی کامیابی قرار دے دیا ہے۔

فردوس عا شق اعوان نے سماجی رابطےکی ویب سا ئٹ ٹوئٹر پرجاری ایک بیا ن میں کہا ہے کہ قوم کو اپنے رہبر پر ناز ہے جس نے باوقار انداز سے بین الاقوامی سطح پر پاکستان کی نمائندگی کی۔

وزیراعظم عمران خان کی صدر ڈونلڈ ٹرمپ سے کامیاب ملاقات پاکستان کی کامیابی ہے۔قوم کو کو اپنے رہبر پر ناز ہے جس نے باوقار انداز سے بین الاقوامی سطح پر پاکستان کی نمائندگی کی۔

— Dr. Firdous Ashiq Awan (@Dr_FirdousPTI) July 23, 2019

ان کا کہنا ہے کہ ملاقات میں پاکستان اور بھارت کے مابین تنازعہ کشمیر پر گفتگو سے خطے کے بنیادی مسئلے کے حل کی اہمیت بھرپور انداز سے اجاگر ہوئی۔

صدر ڈونلڈ ٹرمپ کا افغان مسئلے پر وزیراعظم پاکستان کے موقف کی تائید اور انہیں مقبول رہنما قرار دینا عمران خان پر دنیا کے بڑھتے ہوئے اعتماد کا اظہار اور انکی قائدانہ صلاحیتوں کا اعتراف ہے۔

— Dr. Firdous Ashiq Awan (@Dr_FirdousPTI) July 23, 2019

فردوس عاشق کا کہنا ہے کہ انہیں مقبول رہنما قرار دینا عمران خان پر دنیا کے بڑھتے ہوئے اعتماد کا اظہار اور انکی قائدانہ صلاحیتوں کا اعتراف ہے۔

ان کا مزید کہنا ہے کہ پاکستان مسئلہ کشمیر پر ثالثی کیلئے امریکی صدر کی پیشکش کا خیرمقدم کرتا ہے۔