سابق وزیر اعظم شاہد خاقان عباسی کی گرفتاری پر رد عمل دیتے ہوئےمسلم لیگ ن کے رہنما احسن اقبال نےکہاہے کہ ووٹوں سے منتخب ہونے والے ایک اور وزیراعظم کو نیب گردی کا نشانہ بنایا گیا ہے۔

رہنما مسلم لیگ ن احسن اقبال  نے  مریم اورنگزیب کے ہمراہ لاہور میں میڈیا سے گفتگو کرتے ہوئے کہا کہ عمران خان ہم سب کو جیل میں ڈال دو لیکن ن لیگ کی آواز نہیں دبائی جاسکتی پاکستان کا بچہ بچہ نوازشریف اور شاہد خاقان ہے ہم عمران خان سے نہیں ڈریں گے موجودہ حکومت کے اسکینڈل پر پردے ڈالے جارہے ہیں ۔

انہوں نے مزید کہا کہ شاہد خاقان کو پہلےپولیس نےروکا،وارنٹ کاپوچھنےپرنیب کوبلایاگیا۔

احسن اقبال نے شاہد خاقان عباسی کی گرفتاری کو جمہوریت  کے لیے سیاہ دن  قرار دیتے ہوئے کہا کہ فوٹو کاپی پرشاہدخاقان عباسی کوگرفتار کیا گیا۔حکومت کو چلنے کے لیےہر طرف سے ہوا دی جارہی ہے، اگر حکومت کا جہاز نہیں اڑ رہا تو ہمارا کیا قصور ہے۔

یاد رہے کہ سابق وزیر اعظم شاہد خاقان عباسی کو ایل این جی کیس میں آج دوپہر گرفتار کیا گیا ہے ۔