پاکستان فلورملزایسوسی ایشن نے آٹےاور آٹے کی مصنوعات پر عائد جنرل سیلز ٹیکس کےخاتمے پرتین روزہ ہڑتال کی کال واپس لے لی ہے۔

پاکستان فلور ملز ایسوسی ایشن نے حکومت سے آٹے اور آٹے کی مصنوعات پر عائد جنرل سیلز ٹیکس کے خاتمے کا مطالبہ کیا تھا لیکن حکومت کی جانب سے سیلز ٹیکس کے خاتمے سے انکار پر ملز مالکان نے تین روزہ ہڑتال کا اعلان کر رکھا تھا۔

اب حکومت کے ساتھ مذاکرات کامیاب ہونے کے بعد فلور ملز مالکان نے ہڑتال کی کال واپس لے لی ہے۔

پاکستان فلور ملز ایسوسی ایشن کے گروپ لیڈر عاصم رضا احمد نے ایک بیان میں کہا ہے کہ ایف بی آر کے چیئرمین شبر زیدی کےحکم پرآٹے کے بعد چوکر پر بھی سیلزٹیکس کے خاتمے کا نوٹیفکیشن جاری کردیا گیا ہےجس کےبعد پاکستان فلور ملز ایسوسی ایشن نے آج سے شروع ہونے والی ہڑتال کی کال واپس لے لی ہے۔