وفاقی وزیر برائے منصوبہ بندی، ترقی و اصلاحات مخدوم خسرو بختیار نے کہا کہ حکومت چین پاکستان اقتصادی راہداری منصوبے (سی پیک) کے تحت تمام منصوبے بر وقت مکمل کرنے کےلئے پرعزم ہے۔
وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان کے ہمراہ وفاقی وزیر برائے منصوبہ بندی، ترقی و اصلاحات مخدوم خسرو بختیار نےاسلام آباد پریس کانفرنس کی۔
مخدوم خسرو بختیار نے کہا کہ سی پیک کے دوسرے مرحلے میں صنعت، وزراعت اور سماجی و اقتصادی شعبوں کی ترقی کیلئے باہمی تعاون کا فروغ شامل ہے، چین ایک بہت بڑی اقتصادی طاقت بن چکا ہے، دنیا کی عالمی تجارت میں چین کا حصہ 4 کھرب ڈالر سے زیادہ ہے، پاک چین اقتصادی راہداری کا دوسرا مرحلہ شروع کررہے ہیں۔
وفاقی وزیر برائے منصوبہ بندی، ترقی و اصلاحات مخدوم خسرو بختیار نے سی پیک کے ساتھ جڑے پاکستان کے معاشی معاملات پر گفتگوکرتے ہوئے کہا کہ سی پیک پاکستان اور چین کے مضبوط تعلقات کا مظہر ہے اور موجودہ حکومت سی پیک کے جاری اورمستقبل کے منصوبوں کی بر وقت تکمیل کےلئے پرعزم ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
