ملک بھرمیں آج یوم دفاع پاکستان اور یوم شہدا بھرپور قومی جوش وجذبے سے منایا جا رہا ہے۔
.آج 1965ء کی جنگ کے شہدا کی لازوال قربانیوں کو خراج عقیدت پیش کرنے کا دن ہے
قوم اس بار یوم دفاع و شہداء کے سنگ یوم یکجہتی کشمیر بھی ” کشمیر بنے گا پاکستان” کے نعرہ مستانہ کے ساتھ منائے گی، وزیراعظم عمران خان مظفرآباد میں کشمیریوں سے اظہار یکجہتی کی تقریب سے خطاب کریں گے، شہداء کو خراج عقیدت پیش کرنے کیلئے جنرل ہیڈکوارٹرز (جی ایچ کیو) میں یوم دفاع کی مرکزی تقریب صبح ہوگی۔
ملک خداداد پاکستان کے طول و عرض میں چھ ستمبر کو یوم دفاع و یوم شہدا ملی جوش، جذبے اور شہدا وطن کے ساتھ عقیدت و احترام کے ساتھ منایا جارہا ہے۔
مظلوم کشمیریوں سے اظہار ہمدردی کیلئے ملت پاکستان یوم یکجہتی کشمیر بھی منائے گی۔ دن کا آغاز 21 توپوں کی سلامی سے ہوگا، یوم دفاع کے حوالے سے مرکزی تقریب جی ایچ کیو راولپنڈی میں ہوگی، مساجد میں ملکی سلامتی اور کشمیریوں کی آزادی کی دعائیں کی جائیں گی۔
یوم دفاع پر وزیراعظم عمران خان آزاد کشمیر کے دارالحکومت مظفر آباد جائیں گے جہاں وہ کشمیری شہدا کے حوالے سے تقریب سے خطاب کریں گے۔
وزیر اعظم کی ہدایات کے مطابق صوبائی دارالحکومتوں میں خصوصی تقریبات ہوں گی جن میں کشمیریوں سے اظہار یکجہتی کیا جائے گا۔ وزیر اعظم نے پاکستانی عوام کو یوم دفاع پر شہدا کے خاندانوں کے پاس جانے اور شکریہ ادا کرنے کی بھی ہدایات دی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News