وزیراعظم عمران خان سے مفتی تقی عثمانی کی ملاقات
وزیراعظم عمران خان کی معروف عالم دین مفتی تقی عثمانی سے وزیراعظم ہاوس اسلام آباد میں ملاقات ہوئی۔
وزیراعظم کی عالم دین مفتی تقی عثمانی سے ملاقات میں آزادی مارچ اور مسئلہ کشمیر سے متعلق بھی گفتگو کی گئی۔
ذرائع کا کہنا تھا کہ مفتی تقی عثمانی کی وزیراعظم سے ملاقات گورنرسندھ عمران اسماعیل نے کرائی۔
ذرائع کا مزید کہنا تھا کہ مفتی تقی عثمانی پرحملے کے بعد وزیراعظم سے یہ ان کی پہلی ملاقات ہے جبکہ گزشتہ روز وزیراعظم کی علماء کرام سے ملاقات میں مفتی تقی عثمانی کچھ نجی وجوہات کے باعث شرکت نہیں کی تھی۔
واضح رہے کہ گزشتہ روز وزیرِاعظم عمران خان کی جید علمائے کرام اور مشائخ عظام کے وفد سے ملاقات ہوئی تھی،جس میں ملکی استحکام و تعمیر و ترقی کیلئے موجودہ حکومت کے اقدامات اور ملکی صورتحال پر تبادلہ خیال کیا گیا جبکہ مسئلہ کشمیر کے حوالے سے بھی بات چیت کی گئی تھی۔
ملاقات میں علمائے کرام اور مشائخ نے وزیرِ اعظم کی اقوام متحدہ میں کی جانے والی تاریخی تقریر پر خراجِ تحسین بھی پیش کیا تھا۔
علمائے کرام کے وفد سے ملاقات میں وزیرِ اعظم عمران خان نے کہا تھا کہ نبی کریم صلی اللہ علیہ وآلہ وسلم کی حیات مبارکہ تمام انسانوں کے لئے مشعل راہ ہے اور اس کی پیروی کرکے ہم اپنی زندگیوں کو سنوار سکتے ہیں اور کامیابیوں کی منازل طے کر سکتے ہیں۔
عمران خان کا کہنا تھا کہ اگر ہم نے اقوام عالم میں اپنا مقام حاصل کرنا ہے اور عظیم قوم بننا ہے تو ہمیں ریاست مدینہ کے اصولوں پر عمل پیرا ہونا ہوگاکیونکہ پاکستان کو ریاست مدینہ کی طرز پر ڈھالنے کا خواب ان کا دیرینہ مشن ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News