امریکی نمائندہ برائے افغانستان کی وزیر اعظم سے ملاقات
وزیراعظم عمران خان کی امریکی خصوصی نمائندے زلمے خلیل زاد سے ملاقات ہوئی ہے۔
ملاقات میں وزیر اعظم عمران خان نے نے امریکی نمائندے زلمے خلیل زاد سے کہا کہ افغان امن عمل کے لیے پاکستان نے گزشتہ سال مخلصانہ کوششوں کا آغاز کیا اور چاہتے ہیں افغان تنازعے کا حل جلد نکل آئے۔
انکا کہنا تھا کہ امن کے لیے اب تک کی گئی کوششیں رائیگاں نہیں جانی چاہیں اور ایک اچھے دوست اور معاون کی طرح پاکستان افغانستان میں امن کے لیے ہمیشہ تیار رہے گا کیونکہ افغانستان اور خطے میں ترقی، استحکام پاکستان کے اپنے مفاد میں ہے۔
امریکی نمائندہ برائے افغانستان زلمے خلیل زاد افغانستان کے دورے کے بعد پاکستان کے دورے پر اسلام آباد پہنچ گئے۔
دورہ پاکستان میں زلمے خلیل زاد اعلیٰ سول و عسکری شخصیات سے اہم ملاقاتیں کریں گے۔
زلمے خلیل زاد وزیراعظم عمران خان اوروزیر خارجہ شاہ محمود قریشی سے ملیں گے اور وہ افغان مفاہمی عمل کو ممکن بنانے کے لئے مشوروں اور تجاویز پر تبادلہ خیال کریں گے۔
واضح رہے کہ اس سے قبل زلمے خلیل نے کابل میں افغان چیف ایگزیکٹو سے ملاقات کی جس میں عبد اللہ عبد اللہ اور زلمے خلیل نے ملک میں امن کے قیام کی ترجیح پر اتفاق کیا۔
انہوں نے دیرپا امن، تشدد میں کمی اور انٹراافغان ڈائیلاگ کے لئے سیز فائر پر زوردیا اور دیگر افغان رہنماؤں اور سیاسی شخصیات سے بھی ملاقاتیں بھی کیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News