شہر قائد میں غیر قانونی تعمیرات کے خلاف آباد اور سندھ حکومت کے درمیان معاہدہ طے پاگیا۔غیر قانونی تعمیرات کے خلاف کمیٹی بنادی گئی ۔
تفصیلات کے مطابق شہر قائد میں غیر قانونی تعمیرات کے باعث مسائل میں اضافہ ہوا ہے۔غیر قانونی تعمیرات کو روکنے کے لئے ایسوسی ایشن آف بلڈرز اینڈ ڈیولپرز اور ایس بی سی اے کے ممبران پر مشتمل کمیٹی تشکیل دے دی گئی ہے۔
اس بات کا فیصلہ آباد کے چیئرمین محسن شیشانی اور سیکریٹری لوکل گورنمنٹ روشن شیخ کے درمیان ملاقات میں ہوا ہے ۔
اس سلسلے میں آباد کے ممبر بلڈرز اپنے پروجیکٹس کے تعمیراتی میٹیریل کو روڈ پر پھیلانے کے بجائے محفوظ بنائیں گے تاکہ کسی کو پریشانی نہ ہو۔
ملاقات میں یہ بھی فیصلہ ہوا کہ کمیٹی غیر قانونی تعمیراتی منصوبوں کی منظور ی اور شہر کو صاف رکھنے کے حوالے سے اجلاس کرکے متعلقہ اداروں کو سفارشات بھیجے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News