وزیرِاعظم کی ایف بی آر اور نادرا کے چئیرمین سے ملاقات
وزیرِاعظم عمران خان سے چئیرمین ایف بی آر شبر زیدی اور چئیرمین نادرا عثمان یوسف مبین کی ملاقات ہوئی۔
ملاقات میں ملک میں ٹیکس نیٹ میں اضافے کے حوالے سے اقدامات پر بات چیت کی گئی۔
اس موقع پروزیراعظم عمران خان نے کہا کہ عوام الناس کو بہتر سہولیات کی فراہمی کے سلسلے میں حکومتی استعداد کاربڑھانے کے لئے ضروری ہے کہ ٹیکس نیٹ میں اضافہ کیا جائے۔
عمران خان نے یہ بھی کہا کہ ٹیکس کی ادائیگی ایک قومی فریضہ ہے تاہم اس کے لئے ٹیکس دہندگان کا اعتماد بحال کرنا نہایت اہمیت کا حامل ہے۔
ایف بی آر اور نادرا کے چئیرمین سے ملاقات میں عمران خان کا کہنا تھا کہ حکومت کی یہ کوشش ہے کہ ٹیکس کے نظام کو شفاف بنایا جائےاور ہم چاہتے ہیں ہر محب وطن شہری ملکی تعمیر و ترقی میں اپنا کردار ادا کرے۔
وزیرِاعظم عمران خان کا مزید کہنا تھا کہ ٹیکس نیٹ میں اضافے سے موجودہ ٹیکس دہندگان پراضافی ٹیکسوں کا بوجھ کم ہوگا جبکہ حکومت کی جانب سے ملک کے دور درازعلاقوں میں تعلیم ،صحت اور دیگر شہری سہولیات کی فراہمی کو بھی یقینی بنایا جا سکے گا۔
دوسری جانب وزیر اعظم عمران خان سے صوبائی وزیر برائے اوقاف پنجاب سعید الحسن کی بھی ملاقات ہوئی تھی۔
ملاقت میں محکمہ اوقاف نے املاک کے بہتر انتظام اور ان کو عوامی فلاح و بہبود کے مقاصد کے لیے برؤے کار لانے کے حوالے سے اقدامات پر وزیراعظم کو بریفنگ دی گئی۔
یاد رہے کہ وزیر اعظم عمران خان 28 اکتوبر کو ایک روزہ دورے پر لاہور جارہے ہیں جس کے دوران وہ پنجاب کابینہ ارکان سمیت دیگر حکام سے بھی ملاقات کریں گے،امن وامان کے حوالے سے اہم اجلاس کی صدارت کریں گے اوراپوزیشن کے آزادی مارچ کے موقع پر صوبائی حکومت کے انتظامات کا جائزہ لیا جائےگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News