کراچی میں کچرا اٹھانے کا کام بند کردیا گیا
ایڈوانس کی عدم ادائیگی کے باعث چینی کمپنیوں نے کراچی میں کچرا اٹھانے کا کام بند کردیا۔
تفصیلات کے مطابق ضلع شرقی، جنوبی اور ملیر سے کچرا اٹھانے کا عمل معطل کردیا گیا ہے جبکہ رہائشی علاقوں اور کاروباری مراکز میں کچرے کے ڈھیر لگ گئے ہیں۔
چار ماہ کے واجبات کی عدم ادائیگی پر چینی کمپنیوں نے کام بند کیا ہے جبکہ حکومت کی جانب سے واجبات کی عدم ادائیگی تک کام شروع نہ کرنے کا عندیہ دیا گیا ہے۔
دوسری جانب لینڈ فل سائیٹس کے ٹھیکیداروں کو بھی چار ماہ سے واجبات کی ادائیگی معطل جس کے باعث سندھ سالڈ ویسٹ بورڈ حکام فون کالز اٹینڈ کرنے تک سے کترانے لگے۔
وزیر بلدیات سندھ سید ناصر حسین شاہ نے چینی کمپنیز کے کام بند کرنے کی تصدیق کرتے ہوئے کہا ہے کہ سندھ سالڈ ویسٹ بورڈ کے مسائل کے حل کیلئے اقدامات کئے جارہے ہیں۔
واضح رہے کہ اس سے قبل کراچی میں سندھ حکومت کی جانب سے چلائی گئی 30 روزہ صفائی مہم ناکام رہی ہے۔
حکومت صفائی مہم شہر سے کچرے کا بیک لاگ بھی ختم نہ کرسکی ،30 کروڑ روپے خرچ کرکے صرف 25 فیصد کچرا ہی اٹھایا جا سکا۔
حکومت نے شہر سے 12 لاکھ ٹن سے زیادہ کچرا ٹھکانے لگانے کا دعویٰ کیا تھا مگر 30 روز میں صرف تین لاکھ پینتیس ہزار آٹھ سواکتیس ٹن ہی کچرا اُٹھایا جاسکا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News