تاجروں کے بعد فائر فائٹرز نے اپنے مطالبات کے حل کے لئے ہڑتال کردی ہے۔ شہر بھر میں 24 فائر اسٹیشنز ہیں جو بند ہیں ۔
تفصیلات کے مطابق جمعرات کو کراچی میں فائر اسٹیشنز پر عملے نے ہڑتال کردی ہے۔ ان کا مطالبہ ہے کہ فائر رسک الاؤنس ديا جائے۔ ملازمین نے مزید بتایا کہ تنخواہوں کی ادائيگی بھی تاخير کا شکار ہے اور ان مطالبات کے حل نہ ہونے تک اسٹيشن سے فائرٹينڈرز نہيں نکاليں گے۔
فائر فائیٹر ویلفئیر آرگنائیزیشن کے مطابق جب تک فائر رسک الاونس نہیں ملتا ہڑتال جاری رہے گی۔
تنخواہوں کی ادائیگی بھی ایک ماہ سے تاخیر سے دوچار ہے ایسے میں کام کرنا ناممکن اور احتجاج ہی واحد راستہ ہے۔
ہر سطح پر فائر رسک الاونس کے لِئے بات کی تاہم کوئی شنوائی نہیں ہوئی۔گذشتہ 17ماہ سے فائر رسک الاونس نہیں ملا ہے جس کی وجہ سے گھروں کے چولہے بجھ چکے ہیں ۔مالی مشکلات کے باعث تین فائر فائیٹرز بھی جان سے ہاتھ دھو بیٹھے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News