وزیراعلیٰ خیبر پختونخوا محمود خان سے وفاقی وزیر قانون ڈاکٹر فروغ نسیم کی ملاقات ہوئی ہے۔
ملاقات میں وفاقی وزیر قانون نے وزیراعلیٰ خیبرپختونخوا سے اہم قانونی امور پر مشاورت کی۔
اس موقع پر وزیراعلیٰ خیبر پختونخوا محمود خان کا کہنا تھا کہ وکلاء کو درپیش تمام مسائل ترجیحی بنیادوں پر حل کیے جائیں گے۔
وزیراعلیٰ ہاؤس پشاور میں ہونے والی ملاقات میں چیئرمین انصاف لائرز فورم شاید نسیم گوندل اور صوبائی وزیر قانون سلطان محمد بھی موجود تھے۔
یاد رہے کہ چند روز قبل وفاقی وزیر قانون فروغ نسیم نے عثمان بزدار سے بھی ملاقات کی تھی ،جس میں وکلاء کی فلاح و بہبود کے اقدامات پر بھی تبادلہ خیال کیا گیا تھا۔
واضح رہے کہ اس سے قبل وفاقی وزیر قانون فروغ نسیم نے اسلام آباد میں ایک تقریب سے خطاب کرتے ہوئے کہا تھا کہ زینب الرٹ بل زیر غور ہے، وزارتِ قانون بچوں اورعورتوں کی بہتری کے لیے کام کر رہی ہے۔
فروغ نسیم کا کہنا تھا کہ حکومت خواتین اور بچوں کا معیار زندگی بلند کرنے کے لیے کوشاں ہے، زینب الرٹ بل لانے پر غور کر رہے ہیں۔حکومت کی کوشش ہے آیندہ نسلوں پر سرمایہ کاری کی جائے، بد قسمتی سے جبری مشقت زیادہ تر بچوں سے ہی کرائی جاتی ہے،بچوں کو پتا ہونا چاہیے کہ چائلڈ جسٹس کیا چیز ہے، بچوں کے حقوق کے لیے چائلڈ جسٹس سے آگاہی ضروری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News