وزیر ریلوے شیخ رشید نے کہا ہے کہ حکومت نے کشمیر سمیت تمام ایشوز پر دنیا کو بتا دیا ہے اور عمران خان حکومت کے 5 سال پورے کریں گے۔
تفصیلات کے مطابق وفاقی وزیرِ ریلوے شیخ رشید نے وفاقی وزیر برائے آبی وسائل فیصل واوڈا کے ہمراہ کراچی ریلوے کیمپ آفس میں پریس کانفرنس کرتے ہوئے کہا کہ اپوزیشن کی طرف سے شہبازشریف بہتر فیصلہ کریں گے کہ یقین ہے کہ شہباز شریف آزادی مارچ کا حصہ نہیں ہوں گے۔
شیخ رشید کا کہنا تھا کہ اس وقت ایک طرف نواز شریف اور شہباز شریف ہیں جبکہ دوسری طرف زرداری اور بلاول علیحدہ علیحدہ سیاست کررہے ہیں، انھوں نے کہا کہ اگر پانچ لوگوں کوعمران خان این آراو دے دیں تو ساری تحریکیں ختم ہوجائیں گی۔
شیخ رشید کا یہ بھی کہنا تھا کہ معیشت سب سے بڑا چیلنج ہے، نیب کسی کو تنگ نہیں کر رہا، معاشی صورتِ حال کا سب سے زیادہ نقصان عمران خان کو ہو رہا ہے۔
وفاقی وزیرِ ریلوے نے اپنے بیان میں کہا کہ عمران خان نے جنرل اسمبلی میں امت مسلمہ کی بات کی، مولانا صاحب کشمیر جانے کے بجائے اسلام آباد آرہے ہیں، سمجھ سے باہر ہے کہ مولانا نے آزادی مارچ کا اعلان کیسے کیا۔
شیخ رشید نے یہ بھی کہا کہ عمران خان نے ملک کو دیوالیہ ہونے سے بچایا ہے اور یقین ہے کہ وہ سیاست دانوں کو بھی ڈیل کرلیں گے۔
اس موقع پر وفاقی وزیر ابی وسائل فیصل ووڈا کا کہنا تھا کہ مولانا کو ایسا بیٹھا ئینگے کہ کھڑا بھی نہیں ہو پائینگے کھانے اور باتھ روم کا بھی اہتمام کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News