صدر مملکت عارف علوی کی باکو میں افغان ہم منصب اشرف غنی سے اہم ملاقات ہوئی ہے۔
ذرائع کے مطابق ملاقات غیر جانبدار تحریک کے اجلاس کی سائیڈ لائنز پر منعقد ہوئی جبکہ ملاقات میں افغان امن عمل اور مفاہمت پر تفصیلی تبادلہ خیال کیا گیا۔
فریقین نے پاک افغان تعلقات کو بہتر بنانے اور خطے کی صورتحال پر بھی بات چیت کی۔
اس موقع پر صدر مملکت نے بتایا کہ پاکستان افغانستان کے مسئلے کا افغان عوام کے زریعہ افغان عوام کے لیے بات چیت سے حل کا حامی ہے اور پاکستان افغان مفاہمتی و امن عمل میں اپنا کردار ادا کرے گا۔
صدر ڈاکٹر عارف علوی نے دونوں ممالک کے مابین تاریخی برادرانہ تعلقات کا ذکر کرتے ہوئے کہا کہ پاکستان مستحکم اور خوشحال افغانستان کا خواہاں ہے، انھوں نے اس امید کا اظہار کیا کہ آنے والے سالوں میں دوطرفہ تعلقات مزید مضبوط ہونگے ۔
صدر مملکت نے حکومت پاکستان کی جانب سے مختلف شعبوں میں فراہم کی جانے والی معاشی امداد کا ذکر کرتے ہوئے اس عزم کا اعادہ کیا کہ پاکستان افغانستان کی تعمیر نو میں کردار جاری رکھے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News