وزیراعلیٰ پنجاب سردارعثمان بزدار سے مختلف اضلاع سے تعلق رکھنے والے اراکین اسمبلی کی ملاقات ہوئی۔
اس موقع پراراکین اسمبلی نے وزیراعلی کو اپنے حلقوں کے مسائل سے آگاہ کیا جس پر وزیراعلیٰ پنجاب نے اراکین اسمبلی کو مسائل جلد حل کرنے کی یقین دہانی کراائی۔
سردارعثمان بزدار نے کہا کہ کاروبارمیں آسانی کیلئے درجہ بندی میں 28درجے بہتری پاکستان کے روشن معاشی مستقبل کی دلیل ہے۔
عثمان بزدار نے یہ بھی کہا کہ عالمی بینک نے اپنی سالانہ ڈوئنگ بزنس رپورٹ میں حکومت کی اصلاحات کا اعتراف کیا ہے، پاکستان2020ء میں سرمایہ کاری کیلئے موزوں ممالک میں سرفہرست ہوگا۔
وزیراعلیٰ پنجاب کا کہنا تھا کہ پنجاب میں معاشی اصلاحات کے حوصلہ افزاء نتائج سامنے آرہے ہیں، کاروبار میں آسانیاں لانے سے سرمایہ کاری کو فروغ ملے گا۔
سردارعثمان بزدار کا یہ بھی کہنا تھا کہ پنجاب میں بزنس رجسٹریشن پورٹل کی وجہ سے کاروبار میں آسانیاں پیدا ہوئی ہیں، مستقبل کے بارے میں پائیدار معاشی فیصلوں کے بعد معیشت میں بہتری آنا شروع ہوگی۔
وزیراعلیٰ سے ملاقات کرنے والوں میں صوبائی وزیر تیمور خان بھٹی ، سبطین خان ، مہندر پال سنگھ ، جاوید اختر، فیصل فاروق چیمہ اور دیگر شامل تھے۔
واضح رہے اس سے قبل اوکاڑہ میں سول ریسٹ ہاؤس میں میڈیا سے گفتگو کرتے ہوئے وزیر اعلیٰ پنجاب سردار عثمان بزدارکا کہنا تھا کہ مارچ کرنے والے آئیں گے تو دیکھا جائے گا، مولانا کے بارے میں بات ہوچکی ہے اب ضرورت نہیں۔
وزیر اعلیٰ پنجاب کا یہ بھی کہنا تھا کہ کابینہ کی کارکردگی کا بغور جائزہ لیا جاتا ہےاور کابینہ میں ابھی تک کوئی تبدیلی نہیں ہوئی ضرورت ہوئی تو کریں گے۔
سردار عثمان بزدار کا اپنے بیان میں مزید کہنا تھا کہ کمشنر ساہیوال ڈویژن نے وزیراعلیٰ کو پارکس اینڈ ہارٹی کلچر اتھارٹی کی کارکردگی سے آگاہ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News