آرمی چیف کی مدت ملازمت میں توسیع کی سمری کابینہ اراکین کو ارسال
وزیراعظم عمران خان کی زیر صدارت لیگل کمیٹی کے اجلاس میں میں فیصلہ کیا گیا تھا کہ آرمی چیف قمر جاوید باجوہ کی مدت ملازمت میں توسیع کیلئے نئی سمری بنائی جائیگی۔
ذرائع کے مطابق آرمی چیف کی مدت ملازمت میں توسیع کی سمری کابینہ اراکین کو ارسال کردی گئی ہے جبکہ سمری کی منظوری صدر مملکت ڈاکٹڑ عارف علوی سے بھی لی جائیگی۔
صدر مملکت کی منظوری کے بعد نوٹیفکیشن عدالت میں پیش کیا جائے گا جبکہ کابینہ اراکین سمری پر اپنی رائے دیں گے۔
واضح رہے کہ اس سے قبل وزیر اعظم عمران خان کی زیر صدارت لیگل کمیٹی کا ہنگامی اجلاس ہوا جس میں آرمی چیف نے بھی شرکت کی۔
ذرائع کے کہنا ہے کہ اجلاس کے بعد آرمی چیف اور وزیراعظم کے درمیان ون آن ون ملاقات بھی ہوئی ہےجبکہ ملاقات میں سپریم کورٹ میں جاری ایکسٹنشن سے متعلق سماعت کے حوالے سے مشاورت بھی کی گئی۔
یاد رہے کہ سپریم کورٹ میں چیف جسٹس آصف سعید کھوسہ کی سربراہی میں آرمی چیف ایکسٹیشن کیس کی سماعت چل رہی ہے جسے آج کی کارروائی کے بعد کل صبح تک کے لیے ملتوی کیا گیا ہے۔ اجلاس میں وزیراعظم نے مشاورت کے بعد وزیراعظم کی اٹارنی جنرل، فروغ نسیم کو کل مکمل تیاری کے ساتھ سپریم کورٹ میں پیش ہونے کی ہدایت کردی ہے۔
ذرائع کا کہنا ہے کہ اجلاس میں آرمی چیف کی توسیع سے متعلق عدالتی اعتراضات دور کرنے سے متعلق ڈرافت تیار کیا گیا ہے جبکہ نئی سمری کی منظوری کابینہ سے سرکولیشن کے زریعے لینے کا امکان بھی ظاہر کیا گیا ہے۔
دوسری جانب ذرائع کا یہ بھی کہنا ہے کہ حکومت آرمی چیف جنرل قمر جاوید باجوہ کی مدت ملازمت میں توسیع دینے پر ڈٹ گئی ہے جبکہ اجلاس کو سپریم کورٹ میں سماعت پر شق وار بریفنگ بھی دی گئی۔
چیف جسٹس پاکستان جسٹس آصف سعید کھوسہ کی سربراہی میں عدالت عظمیٰ کے تین رکنی بینچ نےکیس کی سماعت کی تھی ۔ کیس سے متعلق اٹارنی جنرل پاکستان اور آرمی چیف کے وکیل بیرسٹر فروغ نسیم نےدلائل دیے،سماعت کےدوران عدالت نے دو مرتبہ وقفہ بھی لیا تھا۔
سماعت جب شروع ہوئی توچیف جسٹس پاکستان جسٹس آصف سعید کھوسہ نے اٹارنی جنرل سےمکالمہ کرتے ہوئے کہا تھا کہ گذشتہ روز ہم نے جو نکات اٹھائے آپ نے انہیں تسلیم کیا، اسی لیے آپ نے انہیں ٹھیک کرنے کی کوشش کی تھی۔
جسٹس آصف سعید کھوسہ نے اپنے ریمارکس میں یہ بھی کہا تھا کہ یہ انتہائی اہم معاملہ ہے، اس میں سب کی بات سنیں گے، یہ سوال آج تک کسی نے نہیں اٹھایا، اگر سوال اٹھ گیا ہے تو اسےاب دیکھیں گےبھی ، جنرل چارپانچ مرتبہ خود کو توسیع دیتے رہتے ہیں، یہ معاملہ اب واضح ہونا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News