بلاول بھٹو زرداری کا وژن ہے کہ لوگوں کو طبی سہولیات ملے، مرتضی وہاب
مشیرقانون، ساحلی ترقی و ماحولیات اور ترجمان سندھ حکومت بیرسٹر مرتضی وہاب نے کہا ہے کہ بلاول بھٹو زرداری کا وژن ہے کہ لوگوں کو طبی سہولیات ملے۔
تفصیلات کے مطا بق مشیرقانون، ساحلی ترقی و ماحولیات اور ترجمان سندھ حکومت بیرسٹر نے لیاری میں سینے کے درد کی فوری طبی امداد کے یونٹ کا افتتاح کردیا۔
سینے کے درد کی فوری طبی امداد کے یونٹ کی افتتاح تقریب سے خطاب کرتے ہوئے بیرسٹر مرتضی وہاب نے کہا کہ بلاول بھٹو زرداری کا یہی وژن ہے کہ لوگوں کو طبی سہولیات ملے اسلئے سندھ میں چوبیس گھنٹے صحت کی بہترین سھولیات دستیاب ہیں کیونکہ مریضوں کی خدمت کرنا ہمارا منشور ہے۔
مشیرقانون، ساحلی ترقی و ماحولیات کے ترجمان نے کہا کہ پاکستان میں سندھ پہلا صوبہ ہے جہاں چیسٹ پین یونٹس ہیں اور اس ادارہ امراض قلب میں پاکستان بھر سے مریض آرہے ہیں۔
بیرسٹر مرتضی وہاب نے یہ بھی کہا کہ سندھ حکومت کے اشتراک سے ادارہ امراض قلب نے 13 ویں سینے کے درد کی فوری طبی امداد کے یونٹ کا قیام کی ہے مگر جب وفاق میں ہماری حکومت ہوگی تو پورے پاکستان میں این آئی سی وی ڈی کے سینٹر بنائیں گے۔
تقریب سے خطاب کرتے ہوئے مشیرقانون، ساحلی ترقی و ماحولیات کے ترجمان نے کہا کہ سندھ حکومت اس بات پر یقین رکھتی ہے کہ اداروں کو بہتر کیا جائے اوراٹھارویں آئینی ترمیم کے تحت جو ادارے ملے ہیں اب وہ بہتر کام کررہے ہیں۔
بیرسٹر مرتضی وہاب نے یہ بھی کہا کہ قانون کے دائرے میں رہ کر سیاست کرنا ہر شخص کا بنیادی حق ہے لیکن اگر سکیں بلاک ہونگی تو لوگ پریشان ہونگے۔
مشیرقانون، ساحلی ترقی و ماحولیات کے ترجمان کا کہنا تھا کہ وفاقی حکومت لنگڑی ہے اس لئے لنگرخانے کھول رہی ہے،عوام کو معاشی طور پر مضبوط کرنے کے بجائے بھکاری بنایا جارہا ہے۔
بیرسٹر مرتضی وہاب کا یہ بھی کہنا تھا کہ سندھ کے جیلوں میں 60 فیصد ایسے قیدی ہیں جنہیں عدالتوں نے سزا نہیں دی لیکن پھر بھی وہ جیل میں ہے، یہ انسانی حقوق کی خلاف ورزی ہے کہ سزا کے بغیر جیلوں میں لوگوں کو رکھیں۔
مشیرقانون، ساحلی ترقی و ماحولیات اور ترجمان سندھ حکومت بیرسٹر مرتضی وہاب کا مزید کہنا تھا کہ آصف زرداری کو بغیر سزا کے بارہ سال جیل میں رکھا گیا، اگر وفاق میں ہماری حکومت آئی تو عدالت سے سزا کے بغیرقیدی رکھنے کا قانون تبدیل کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News