اسلام آباد ہائیکورٹ نےوزیراعظم عمران خان کے خلاف توہین عدالت کی درخواست مسترد کردی۔

تفصیلات کے مطابق اسلام آباد ہائیکورٹ کےچیف جسٹس اطہر من اللہ نے تحریری فیصلہ جاری کررتے ہوئےوزیراعظم عمران خان کیخلاف درخواست کوناقابل سماعت قراردے دیا۔

کمرہ عدالت میں درخواست پر سماعت کے دوران چیف جسٹس اطہر من اللہ کاکہناتھاکہ عدالت

 پہلے ہی توہین عدالت کے حوالےسے تفصیلی فیصلہ دے چکی ہے۔

چیف جسٹس اطہرمن اللہ نےکیس کی سماعت کے دوران ریمارکس دیتے ہوئےدرخواست گزارسے کہاکہ وزیراعظم کی تقریر سےآپ کوکیا پریشانی ہے؟جس پر درخواست گزار سلیم اللہ خان کاکہناتھاکہ وزیراعظم نے عدلیہ کی تضحیک کی۔

اس موقع پرچیف جسٹس ہائیکورٹ نےریمارکس دیتے ہوئے کہاکہ عدالتیں تنقید کو ویلکم کرتی ہیں، تنقید اور تضحیک میں فرق ہوتا ہے، توہین عدالت فرد اور عدالت کے درمیان ہوتی ہے۔

چیف جسٹس کے ریمارکس پردرخواست گزارکاکہناتھا کہ میں آفیسرآف دی کورٹ ہوں اور عدالت کو آگاہ کررہا ہوں۔

چیف جسٹس اطہر من اللہ نےکہا کہ آپ نے توہین عدالت کا کل والا فیصلہ پڑھا ہے جس میں توہین عدالت کے حوالے سے اصول طے کر دیے ہیں،پہلے آگاہی نہیں تھی ابھی تو توہین عدالت کے حوالے سے آگاہی بھی ہوگئی ہے۔

چیف جسٹس کاکہناتھاکہ کیا آپ منتخب وزیراعظم کا ٹرائل کرانا چاہتے ہیں؟ کیا آپ اس کے نتائج سے آگاہ ہیں؟ کیا آپ منتخب وزیراعظم کو نااہل کرانا چاہتے ہیں؟

بعد ازاں عدالت کی جانب سے نےوزیراعظم عمران خان کے خلاف توہین عدالت کی درخواست ناقابل سماعت قراردیتےہوئےمسترد کردی گئی۔