وزارت داخلہ نے نواز شریف کو بیرون ملک جانے کی اجازت دے دی
وزارت داخلہ نے سابق وزیر اعظم نواز شریف کو ایک بار بیرون ملک جانے کی اجازت دے دی ہے جسکا باقاعدہ نوٹیفکیشن بھی جاری کردیا گیا ہے۔
نوازشریف کل علاج کیلئے لندن کی اڑان بھریں گے جس پر طبی ماہرین کا کہنا ہے کہ نواز شریف کی وطن واپسی طوالت اختیار کرسکتی ہے جبکہ علاج میں 6سے7 ماہ لگ سکتے ہیں کیونکہ نوازشریف چند روز لندن کے ہارلے اسٹریٹ کے کلینک میں زیر علاج رہیں گے اور مکمل علاج کیلیے بوسٹن کے ماس جنرل اسپتال میں داخل ہوں گے۔
قطر سے ایئر ایمبولنس کل صبح لاہور پہنچے گی جبکہ ذاتی معالج ڈاکٹر عدنان کہتے ہیں کہ ایئر ایمبولینس طبی سہولیات سے آراستہ ہے۔
نوازشریف منگل کو روانہ ہوں گے، مریم اورنگزیب
انہوں نے اپنے ٹویٹ میں کہا ہے کہ ایمبولینس میں آئی سی یو اور آپریشن تھیٹر موجود ہوگا جبکہ ڈاکٹروں اور پیرامیڈیکس کی ٹیم بھی ایئر ایمبولینس میں موجود ہوگی۔
وزارت داخلہ کے ذرائع کے مطابق نواز شریف کسی بھی ائر پورٹ پر عدالتی حکم کی تصدیق شدہ نقل دکھا کر بیرون ملک جاسکیں گے۔
گزشتہ دنوں لاہور ہائی کورٹ نے نواز شریف کو غیر مشروط طور پر 4 ہفتوں کے لیے علاج کی غرض سے بیرون ملک جانے کی اجازت دی تھی۔
شہباز شریف کے وکلاء نے نوازشریف سے متعلق عدالتی ڈرافٹ اور فیصلے کو تسلیم کیا تھا جبکہ حکومتی وکلاء نے اس پر اعتراض کیا تھا، جسے عدالت نے مسترد کردیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News