عمران خان کی پوری ٹیم نالائقوں کا ٹولہ ہے، سراج الحق
امیرجماعت اسلامی سراج الحق نے کہا ہے کہ وزیر قانون نہیں ، عمران خان کی پوری ٹیم نالائقوں کا ٹولہ ہے۔
تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ حکومت کی بیساکھیاں ٹوٹنے والی ہیں کیونکہ ان کی تمام پالیسیاں فیل ہوگئی ہیں۔
سراج الحق نے کہا کہ ملکی تاریخ میں آئین اور اداروں کے ساتھ ایسے کھلواڑ کی مثال نہیں ملتی جو موجودہ حکومت کر رہی ہے۔
سراج الحق نے یہ بھی کہا کہ حکومت کی نالائقی روز اول سے واضح تھی لیکن آج دن بھر کے واقعات نے ثابت کردیا ہے کہ یہ مہا نالائق ہیں۔
امیر جماعت اسلامی پاکستان کا کہنا تھا کہ ملک و قوم کی باگ ڈور ایسے غیر سنجیدہ لوگوں کے ہاتھوں میں ہونا افسوسناک ہے۔
سراج الحق کا یہ بھی کہنا تھا کہ حکومت نے اپنے مفاد میں قومی اداروں کا وقار مجروح کردیا ہے ، پرویز مشرف کو بچانے کی کوشش میں حکومت کا اصل چہرہ بے نقاب ہو گیا ہے۔
امیرجماعت اسلامی سراج الحق کا مزید کہنا تھا کہ بے روزگاری کی شرح میں 9.1 فیصد اضافہ ہوچکا ہے جبکہ سیاسی سموگ اور فوگ کی یہی صورتحال رہی تو ڈر ہے کوئی حادثہ نہ ہو جائے۔
واضح رہے کہ اس سے قبل لاہور میں میڈیا سے بات کرتے ہوئے امیر جماعت اسلامی سراج الحق نے کہا تھا کہ بائیس دسمبر کو اسلام آباد کی طرف کشمیر مارچ کریں گے۔
امیر جماعت اسلامی نے کہا تھا کہ اسلام آباد جا کر حکمرانوں کو جگانے کی کوشش کروں گا، پنجاب کے ہر ضلع، ہر علاقے سے قافلے روانہ ہوں، جماعت اسلامی کے کارکنان بائیس دسمبر کے لیے تیاری کر لیں، کشمیر کی آزادی کے لیے خون کا آخری قطرہ بھی بہا دیں گے۔
میر جماعت اسلامی نے یہ بھی کہا تھا کہ کشمیر کی آزادی کے لیے خون کا آخری قطرہ بھی بہا دیں گے، سنگ مرمر کے قبرستان اسلام آباد میں جا کر جہاد کا اعلان کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News