غیرقانونی نمبرپلیٹ والی گاڑی کی نشان دہی ہوگئی،وزیراعلیٰ سندھ
وزیراعلیٰ سندھ مرادعلی شاہ نے کہاہے کہ سوشل میڈیاپروائرل ہونے والی غیرقانونی نمبرپلیٹ والی گاڑی کی نشان دہی ہوگئی ہے۔
تفصیلات کے مطابق وزیراعلیٰ مراد علی شاہ کا کہناہے کہ انکوائری کے بعد پتا چلاکہ گاڑی گورنر ہائوس کی ہےجس کی ایف آئی آر ہوگئی ہے۔
انہوں نےکہاکہ یہ گاڑی وزیراعلیٰ، وزیریا مشیر کی ہوگی، جب میں وزیراعلیٰ بنا ان سب کومیں نے رجسٹرڈ کروایاتھا۔ پہلے سی ایم ہائوس کا مونوگرام لگا کر وزیراعلیٰ ہائوس کی گاڑیاں استعمال ہوتی تھیں۔
وزیراعلیٰ مراد علی شاہ کاکہناتھاکہ میں گورنر سے بات کروں گا، یہ ساری گاڑیاں رجسٹرڈکروائیں۔
واضح رہے کہ گزشتہ روز سندھ حکومت کا انوکھا کارنامہ سامنے آیاہے۔ جعلی نمبر پلیٹ کی حامل گاڑی دن دیہاڑے کراچی کی سڑکوں پرگھومتی ہوئی نظر آئی۔
بی ایم ڈبلیو پر ٹویوٹا کرولا کار کی نمبر پلیٹ نصب تھی، ٹویوٹا سیلون کی نمبر پلیٹ بی ایم ڈبلیو پر لگائی گئی ہے۔
محکمہ ایکسائزکےریکارڈ کے مطابق مذکورہ ٹویوٹا کرولا انیس سے پچانوے میں رجسٹرڈ ہوئی۔ جعلی نمبر پلیٹ کی حامل گاڑی کے ساتھ پولیس اسکارٹ کی تصاویر سوشل میڈیا پر وائرل ہوگئیں جس کے بعد شہریوں نے سندھ حکومت پر سخت تنقیدکی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News