مولانا فضل الرحمن کی زیر صدارت پارٹی رہنماوں کا اہم اجلاس
مولانا فضل الرحمن کی زیر صدارت پارٹی رہنماوں کا اہم اجلاس ہوا جس میں میں مولانا غفور حیدری ،اکرم درانی سمیت صوبائی رہنما شریک ہوئے۔
اجلاس میں مولانافضل الرحمان مارچ سےمتعلق معاملات پرغور کیا گیا جبکہ وزیراعظم کو مستعفی ہونے کے لیے دی گئی 2 روزہ مہلت کے بعد آئندہ کی حکمت عملی پر تفصیلی تبادلہ خیال کیا گیا۔
ذرائع کا کہنا تھا کہ اجلاس میں پی پی اور مسلم لیگ ن کی طرف سے ڈی چوک جانے کی مخالفت کے بعد کی صورتحال پر غور کیا جبکہ رہبر کمیٹی کی طرف سے احتجاج کو ملک گیر پھیلانے شٹر ڈاون سڑکیں بند کرنے کی تجاویز پر بھی بات چیت کی گئی۔
ذرئع کا یہ بھی کہنا تھا کہ دوران اجلاس مولانا فضل الرحمان نے سینیٹر طلحہ محمود اور کامران مرتضی کو طلب کیا گیا جس کے بعد مولانا نے سالاروں سے کارکنوں کے جذبات کے حوالے سے تحریری رپورٹ مانگ لی۔
اس موقع پر سینیٹر طلحہ محمود کی جانب سے دیگر سیاسی جماعتوں، تاجروں اور سماجی تنطیموں سے رابطوں پر بریفنگ دی گئی جب کہ کامران مرتضی نے قانونی و آئینی نکات سے آگاہ کیا۔
ذرائع کا مزید کہنا تھا کہ مولانا فضل الرحمن کے گھر جمیعت علمائے اسلام شوری کے اجلاس میں چاروں صوبوں کے امرا اورجنرل سیکریٹریز شامل تھے۔
واضح رہے کہ گزشتہ روز مولانا فضل الرحمان کی ہدایت پر پارٹی رہنماوں نے دھرنے کے شرکاء میں وقت گزرا تھا اور دھرنے میں پائے جانے والے کارکنوں کے جذبات پر صوبائی امراء کو تفصیل سے آگاہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News