میئر کراچی وسیم اختر اور حیدر عباس رضوی کی پرویز مشرف سے ملاقات
ایم کیو ایم پاکستان کے ڈپٹی کنوینر اور میئر کراچی وسیم اختر اور رکن رابطہ کمیٹی حیدر عباس رضوی کی دبئی میں سابق صدر جنرل پرویز مشرف سے ملاقات کی ۔
ملاقات میں ایم کیو ایم پاکستان کے وفد نے سابق صدر جنرل پرویز مشرف کی عیادت کی اور رابطہ کمیٹی کے وفد نے سابق صدر کی جلد صحت یابی کے لئے دعا بھی کی۔
اس موقع پر میئر کراچی وسیم اختر اور رکن رابطہ کمیٹی حیدر عباس رضوی نے گذشتہ روز سابق صدر کے خلاف خصوصی عدالت کے فیصلے کو انتہائی افسوسناک قرار دیتے ہوئے ایم کیو ایم کی جانب سے سابق صدر کو بھرپور حمایت کا یقین دلایا۔
سنگین غداری کیس، پرویزمشرف کو سزائےموت کاحکم
وفد نے ایم کیو ایم پاکستان کی جانب سے خصوصی عدالت کے افسوسناک فیصلے کے خلاف ہر سطح پر جانے کے عزم سے بھی سابق صدر کو آگاہ کیا جس پر سابق صدر جنرل پرویز مشرف نے ایم کیو ایم پاکستان کی قیادت کا شکریہ ادا کیا۔
واضح رہے اس سے قبل پرویز مشرف سنگین غداری کیس میں اسلام آباد کی خصوصی عدالت کی جانب سے فیصلہ سنا دیاگیا تھا، خصوصی عدالت نے پرویزمشرف کو سزائے موت کاحکم دیا تھا ۔ خصوصی عدالت کے دو ججز نےفیصلہ دیا تھا اورسابق صدر پرویز مشرف کو سنگین غداری کا مرتکب قراردے دیا۔
چیف جسٹس پشاورہائیکورٹ اورخصوصی عدالت کے سربراہ جسٹس وقارسیٹھ کی سربراہی میں 3 رکنی بینچ نےسابق صدرپرویز مشرف کے خلاف سنگین غداری کیس کی سماعت کی اور جسٹس سیٹھ وقار نے چار سطروں پر مشتمل مختصر فیصلہ پڑھ کر سنایا تھا۔
عدالت نےمختصر فیصلہ جاری کرتے ہوئے کہا تھا کہ پرویزمشرف نے 3 نومبر 2007 کو آئین پامال کیا، پرویز مشرف سزا کے مرتکب ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News