وزیراعظم پاکستان عمران خان نے دنیاکو خبردار کرتے ہوئے کہا ہے کہ بپن راوت کےبیانات،جعلی فلیگ آپریشن سے متعلق ہمارے خدشات میں اضافہ کررہے ہیں، کسی بھی جعلی فلیگ آپریشن کی صورت میں منہ توڑ جواب دیا جائے گا۔
سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم ع عمران خان کا کہنا تھا کہ بھارتی آرمی چیف کے بیانات کے بعد کسی بھی جعلی فلیگ آپریشن پر منہ توڑ جواب کے علاوہ ہمارے پاس کوئی آپشن نہیں ہوگا۔
میں ایک عرصے سے اقوام عالم کو اس صورتحال سےمتنبہ کررہا ہوں اور آج ایک مرتبہ پھر دہراتا ہوں کہ: اگر ہندوستان اپنےاندرونی خلفشارسے توجہ ہٹانے اورہندو قومیت کےجذبات مشتعل کرنےکیلئے ایسی کسی بھی کارروائی کاسہارا لیتا ہےتو پاکستان کے پاس منہ توڑ جواب دینے کے علاوہ کوئی چارہ نہ ہوگا۔
— Imran Khan (@ImranKhanPTI) December 21, 2019
وزیراعظم عمران خان نے دو ٹوک موقف اختیار کرتے ہوئے کہا ہے کہ بھارتی آرمی چیف بپن راوت کے بیانات فالس فلیگ آپریشن سے متعلق ہمارے خدشات میں اضافہ کررہے ہیں، بھارت میں بڑھتے مظاہروں کے ساتھ پاکستان کے لیے خطرات بڑھ رہے ہیں۔
عمران خان کا کہنا تھا کہ ہم عالمی برادری کو بھارتی رویے سے متعلق متنبہ کررہے ہیں، بھارت نے داخلی انتشار سے توجہ ہٹانے کیلئے پاکستان کے خلاف کارروائی کی تو بھرپور جواب دیں گے۔
وزیراعظم عمران خان کا کہنا تھا کہ شہریت کے متنازع قانون کیخلاف بھارت کے حق پرست احتجاج کررہے ہیں، ہندوستان میں احتجاج اب تحریک کی شکل اختیار کررہا ہے۔
انہوں نے مزید کہا ہے کہ مقبوضہ کشمیر میں بھارتی قابض فوجوں کا محاصرہ جاری ہے، کرفیو اٹھانے کے بعد خونی فسادات کا خدشہ ہے جبکہ مودی سرکار کے گزشتہ 5 برسوں میں بھارت ہندووتو بالادستی کے ساتھ ہندو راشٹرا کی طرف بڑھ رہا ہے، بھارت میں ہندووتوا، فاشسٹ نظریات کا غلبہ ہوتا جارہا ہے۔
واضح رہے کہ اس سے قبل ڈی جی آئی ایس پی آر نے کہا تھا کہ پاک فوج کسی بھی بھارتی جارحیت کا منہ توڑ جواب دے گی۔
پاک فوج کے شعبہ تعلقات عامہ ( آئی ایس پی آر ) کے ڈائریکٹر جنرل میجر جنرل آصف غفور نے سما جی را بطے کی ویب سائٹ ٹوئٹر پر ایک ٹو ئٹ کر کے کہا ہے کہ بھارتی آرمی چیف کا بیان اشتعال انگیز ہے، بھارتی آرمی چیف کے اشتعال انگیز بیانات کا مقصد اندرونی خلفشار سے توجہ ہٹانا ہے۔
Provocative statements and preparations for escalation along LOC by Indian COAS appear to be an effort as usual to divert world attention from wide spread protests in India against CAB. Pakistan Armed Forces shall befittingly respond to any Indian misadventure or aggression.
— DG ISPR (@OfficialDGISPR) December 19, 2019
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News